“Кристал Пэлас” Пардюни истеъфога чиқарди

55 ёшли мутахассис жамоани 2014/15 йилги мавсумда қабул қилиб олган ва мавсумни жамоа учун тарихдаги энг яхши поғонада (10-ўрин) тугатганди. Ўтган мавсумда лондонлик футболчилар унинг қўли остида Англия кубоги финалига чиқишган эди.

“Кристал Пэлас” жамоаси расмий сайтида эълон қилинган мурожаатда, клуб имкон борича қисқа муддатда унинг ўрнига янги мутахассисни олиб келиш ниятида. Аммо ҳозирча аниқ бир номзод борасида қарор қабул қилингани йўқ.