Криштиану Роналду: «Чемпионлар лигаси – «Реал»нинг мусобақаси. Уни яна ютмоқчимиз»
14 сен 2017 09:22
Новости

Криштиану Роналду: «Чемпионлар лигаси – «Реал»нинг мусобақаси. Уни яна ютмоқчимиз»

«Реал» ҳужумчиси Криштиану Роналду АПОЭЛ билан ўйинда (3:0) иккита гол ургач, ўз фикрларини билдирди.

«Бу ғалаба қозонишимиз шарт бўлган ўйин эди - ўз уйимизда илк турни ғалаба билан тугатмоқчи эдик. Ўйлашимча яхши ҳаракат қилдик. Ҳимоявий жамоа рақиблик қилишини билардик. Ундан кўпроқ гол уришимиз мумкин эди, аммо асосийси ғалабага эришдик.

Майдонга қайтганимдан хурсандман (Испания чемпионатида Роналду дисквалификация муддатини ўтамоқда). Чемпионлар лигаси – ўзгача турнир, бу ерда гол уриш мен учун муҳим. Жамоага ёрдам берганимдан хурсандман.

Албатта, биз Чемпионлар лигасида ғолиб бўлмоқчимиз. Бу «Реал»нинг мусобақаси ва биз унда яна ғалабага эришмоқчимиз», — дейди Роналду.