Коке майдонга қайтишга тайёр

Мадридликлар сардори 25 сентябрь, шанба куни бўлиб ўтадиган "Алавес"га қарши баҳсда иштирок этиши мумкин. 

Бироқ Диего Симеоне футболчининг тикланиш жараёнини инобатга олиб, уни асосий таркибга киритмаслиги мумкин.

Коке мушакларидаги жароҳати туфайли "Атлетико"нинг охирги икки ўйинини ўтказиб юборди. Сардорсиз қолган "матрасчилар" Бильбаонинг "Атлетик" клуби билан дуранг ўйнади (0:0) ҳамда «Хетафе»ни мағлуб этди (2:1).

Олти турдан сўнг "Атлетико" Испания Ла Лигаси турнир жадвалида иккинчи ўринда бормоқда. Жамоа "Реал Мадрид"дан икки очкога ортда қолмоқда.