Клопп: “АПЛда ғолиб чиқишни орзу қилмайман...”

“Йўқ, мен Премьер лига ғолиблигини орзу қилмайман. Мен ЕЧЛ финалида ўйнашни ҳам орзу қилмагандим, якунда биз ушбу совринни ютиб олдик. Аммо биз бунинг устида ишлаймиз. Айни пайтда жамоа  мавсум бошида кутганимдан ҳам   яхши ҳолатда.

Биз аниқ бир мақсадимизни белгилаб олдик. Энди буни амалга ошириши устида ишлаймиз. Ноябрь, декабрь ойлари осон бўлмайди. Баъзида майдонда режалаштирган барча ишларимизни амалга ошира олмаётган вақтимизда бизга омад кулиб боқаяпти. “Ливерпуль” ҳаракатда давом этиши лозим. Бундан бошқа йўл йўқ. Ҳали ҳеч нарса ҳал қилинмаган. Ҳамма орзу қилишда давом этмоқда, аммо кимдир бунинг учун астойдил ишлаши ҳам лозим”, деди Клопп “Sky Sports”га берган интервьюсида.