RU

Последние новости

19:58"Ливерпуль" Англия терма жамоаси вингерини нишонга олди  0 19:22Назорат учрашуви. "Пахтакор" ва "Бунёдкор" жамоалари ўртасидаги ўйин бўлиб ўтмоқда (онлайн ҳисоб)  1 19:00Ўртоқлик ўйини. "Милан" Гонконгда "Ливерпул"ни мағлуб этди  1 18:40"Реал" "Арсенал" билан учрашув учун делегация тайёрламоқда  4 18:15Ўзбекистон U-17 терма жамоасининг "Чертаново"га қарши ўйин учун таркиби маълум  5 17:55Тодоров Тошкентнинг бошқа клубига ўтди  0 17:31Иккинчи даврадан водийдаги ўйинлар ПФЛ сотиб олган янги камераларда трансляция қилинади  6 17:07Отабек Шукуров: "Персеполис" менга таклиф билан чиқди, лекин..."  6 16:42"Андижон" нигериялик ҳужумчи билан шартнома имзолади  18 16:20Ўзбекистон U-18 селекция йиғини учун футболчиларнинг иккинчи қисмини танлаб олди  0 15:53"Қўқон-1912" ва "Нефтчи"да ҳам қарздорлик бор  8 15:29Аброр Исмоиловнинг агенти "Навбаҳор" устидан ОФКга арз қилди  20 14:53Шаҳзод Азмиддинов иккинчи даврани "Андижон"да бошлайди  6 14:48Иккинчи давра стартига бир ҳафта қолди  2 14:34"Интер" ҳужумчи учун 45 млн евро таклиф қилди  0

Ким Донг Хи: “Сўғдиёна”нинг келажаги порлоқ эканлигига ишонганим учун келдим" Новости

Ким Донг Хи: “Сўғдиёна”нинг келажаги порлоқ эканлигига ишонганим учун келдим"

Теги :  Ким Донг Хи
Ёзги трансферлар ойнаси вақтида "Сўғдиёна"га келиб қўшилган жанубий кореялик тезкор ярим ҳимоячи Ким Донг Хи қисқа фурсатда мухлислар кўнглидан жой олди.

Эътиборингизга ушбу футболчи билан суҳбатни тақдим этамиз.


- Ким, аввало Ўзбекистонга хуш келибсиз. “Сўғдиёна” ни танлашингизга нима сабаб бўлди?

- Катта раҳмат. Ўзбекистонда келганимдан хурсандаман.”Сўғдиёна”нинг келажаги бор деб ишонаман. Таклиф билан чиқишганида мен хеч иккиланмай рози бўлдим. Фаолиятимни  янги саҳифадан бошлашга қарор қилдим. Бу ер менга ёқди. Инсонлари самимий. Жамоам ҳам, ички муҳит ҳам аъло даражада.

- Ўзбек футболи ҳақида аввал эшитган эдингизми? Нима деб ўйлайсиз, Корея футболи билан қандай фарқи бор?


- Кореяда ўзбек футболи ҳақида маълумот топиш ва улар билан алоқа ўрнатиш қийин эди. Асосан собиқ жамоадошим Сервер Жепаров орқали билар эдим. “Локомотив” таркибида фаолият олиб борган дўстим Чо Сук Жеэ орқали бироз маълумотга эгаман. Ўзбек футболида интизом жуда қаттиқ бўлиб, ўйинлар худди жанг майдонларига ухшайди. Корея футболи ҳам деярли шундай. Аммо бу ерда футбол анча шиддатлироқ.



- Ким, жамоадошларингиз ва жамоадаги шарт шароитлар сизни қониқтираяптими?


- Бу клуб кўнглимга ёқди.  Ҳали Ўзбекистон шароитига тўлиқлигича мослаша олганим йўқ. Тил ва маданиятимизда фарқ борлиги учун бироз қийналаяпман. Тезроқ мослашиб жамоамга фойдам тегишини истайман. Яшаш шарт шароитларим яхши. Жиззах ахолиси жуда меҳрибон.

- Бугун Жиззахда Ўзбекистоннинг етакчи жамоаларидан бир “Насаф”ни қабул қиласизлар. Бўлажак ўйин олдидан қандай фикрдасиз?


- Ростини айтсам, мен ўзбек клублари ҳақида у даражада кўп маълумотга эга эмасман. Айни кунларда жамоалар ва уларнинг ўйин услуби ҳақида кўпроқ маълумот олишга ҳаракат қилаяпман. Биз бўлажак баҳсга яхши тайёргарлик кўрдик ва ғолиблик учун майдонга чиқамиз. Мезбон сифатида албатта мухлисларга ғалаба тақдим этишни  истаймиз.


- Қисқа вақт ичида жиззахлик мухлислар ёқимтойи бўлиб қолдингиз. Мухлислар ҳақида қандай фикрдасиз ва уларга тилакларингиз.


- Катта эътибор ва қизиқишингиз учун миннатдорчилик билдираман. Мухлисларнинг қўллаб-қувватлаши бизга янада куч беради. Ўйинларда ғалаба қозониш учун барча куч ва меҳнатимизни ишга соламиз. Стадионга кўплаб мухлислар келиб бизни қўллаб-қувватлайди деб умид қиламан ва олдиндан ўз миннатдорчилигимни изҳор этаман.


 “Сўғдиёна” ПФК матбуот хизмати

Рейтинг: +19   

Комментарии

championat.asia
< посмотреть последние новости
Яндекс.Метрика