“Киллавит” - Янгиариқда ташкил этилган мусобақа ғолиби

Ваҳоланки, юртимизда  “миллионлар ўйини” ҳисобланган футболнинг ривожига муносиб улушини қўшиб келаётган инсонлар кўпчиликни ташкил этади. Бинобарин,  Янгиариқ туманидаги Таган қишлоғининг Киллавит маҳалласида яшовчи Баҳодир Собиров ана шулар сирасига киради. Асли касби шифокор бўлган бу инсон  2007 йили фарзандлари билан биргаликда маҳалласида ўйингоҳ барпо этиб, “Наврўз” футбол клубига асос солди. Ўз навбатида бу қишлоқ жамоаси қатор йиллар вилоят биринчилигида  Янгиариқ тумани шарафини муносиб ҳимоя қилиб, бир неча бор совриндор  бўлди.

Эндиликда, “Киллавит” ўйингоҳи таганликларнинг севимли масканига айланган. Бу ерда шонли саналар муносабати билан тез-тез турли миқёсдаги мусобақаларни ўтказиш анъана тусига кирган. “Наврўз” футбол клубининг ташаббуси ва ташкилотчилигида ташкил этилаётган бундай тадбирлар киллавитликларга олам-олам қувонч улашаётир. Хусусан, Ўзбекистон Республикаси мустақиллигининг 24 йиллигига бағишлаб уюштирилган навбатдаги очиқ биринчилик ана шулар сирасига киради. “Бетакроримсан, ягонасан, она Ватаним — Ўзбекистоним! шиори остида ташкил этилган мазкур турнирда Киллавит маҳалласи жамоаси футболчилари ғолибликни қўлга киритди. Шоҳсупанинг иккинчи поғонасини Хоразм вилояти кўп тармоқли тиббиёт маркази вакиллари эгаллашди. Фахрли учинчи ўриндан республика мол – хом ашё биржаси Хоразм филиали жамоаси жой олди.

Икром  ХУДОЙБЕРГАНОВ,