Каванининг онаси ПСЖ раҳбариятини очиқдан-очиқ танқид қилди

Испан клуби аллақачон 3 бор ҳужумчининг хариди бўйича ПСЖга таклиф юборган. ПСЖ уларнинг ҳаммасига рад жавобини берган, аммо шу билан бирга уни кам ўйнатмоқда.

"У "Атлетико"га ўтишни жуда ҳам хоҳламоқда. Агар ҳозир бўлмаса, ёзда. Биз буни анчадан бери хоҳлаймиз. Биз бир неча бор Испанияда бўлганмиз ва клуб раҳбарияти билан гаплашганмиз.

Мен умуман тушунмаяпман, 6 дақиқа ўйнашга берадида, неча ПСЖ уни қўйиб юбормайди. Эдинсон бу клубга жуда кўп нарса берди ва ҳозир у билан яхши муносабатда бўлишмаяпти.

Агар у сизга керак бўлмаса, Каванига эҳтиёж сезаётган ва ўзи хоҳлаётган жамоага қўйиб юборинг. Эдинсон психологик жиҳатдан яхши ҳолатда, аммо клубдагилар унга нима учун тўсқинлик қилишаётганини тушунмаяпти", - дейди ўйинчининг онаси Берта Гомес.

Эслатиб ўтамиз, Каванининг ПСЖ билан тузган шартномаси шу йилнинг ёзида якунига етади. У шундан сўнг эркин агентга айланади.