Касильяс "Порту" бошқарув таркибида қолади
15 июл 2019 16:50
Новости

Касильяс "Порту" бошқарув таркибида қолади

"Порту" дарвозабони Икер Касильяс соғлигидаги муаммоларидан сўнг клубнинг бошқарув қисмида фаолият юритади.

- Ўйинчилар ва клуб билан яхши алоқага киришиб кетишга ҳаракат қиламан. Менда юрак хуружи рўй бергандан сўнг клуб президенти билан гаплашгандим. У менинг жамоада қолишимни ва ўйинчиларга ёрдам беришимни хоҳлайди. Ўз ўрнида мен ҳам шерикларимга ёрдам бериш учун қўлимдан келган барча ишни қилишга ҳаракат қиламан, - дейди 38 ёшли испаниялик.

Эслатиб ўтамиз, 1 май куни посбон машғулотлар чоғида юрак хуружига учради.

Касильяс якунланган мавсум Португалия чемпионатида 31та ўйинда майдонга тушган.