Каррагер: "Кулгили ўйин бўлди. "Ливерпуль"нинг омади келди"

"Кулгули бўлди. Чунки кўраётганларимга ишонмаётгандим. Натижа ва ўйин мени шокка солиб қўйди. Клопп қўл остидаги энг ёмон ўйин бўлди, бу шубхасиз.

"Ливерпуль" ўйинни жуда ёмон бошлади. Дастлабки дақиқаданоқ жамоа дарвозаси ёнида вазиятлар яратила бошланди. "Ливерпуль"нинг сунъий оффсайддан фойдаланаётгани эса менга ёқмаяпти. Бу қарорга қаршиман.

"Ливерпуль"нинг омади келди, "Астон Вилла" шу куни саккизинчи, тўққизинчи голини уриши мумкин эди. Баркли яратган вазиятлар, тўпнинг устунга теккан ҳолатларини эсланг.

Бироқ Клоппни ва унинг жамоасини танқид қилиш шарт эмас. Бундай натижа барчада бўлиб туради. Лекин жамоанинг ушбу мавсумдаги ҳимоясининг савияси "Лидс"га қарши ўйиндаёқ сезилганди.

Рестартдан кейин жамоанинг ўйинлари ёқмаяпти. "Ливерпуль" чемпионатни ютганидан кейин тормозни босиб бўлган. Бир неча турдан кейин дерби бўлади ва ушбу учрашувда йигитларнинг қандай ҳолатда эканлиги сезилади", - деди Карррагер.