Каннаваро Буффонни Италия футбол федерацияси президентлигига илгари суришни таклиф қилди

"Италия тўрт маротаба жаҳон чемпиони бўлган, бизни ҳурмат қилишади. Кўплаб йиллар мобайнида биз мўлжал бўлганмиз. 2006 йилдаги ғалаба бизга фойда беришдан кўра, зараримизга ишлаган, ёшлар жамоаларига қарамай қўйдик. Кузатиш керак бўлган ягона модел - немислар.

Техника ва аниқлик асосларни ўрганиш керак. Бугун футболчилар тўп билан нима қилишни билмай, ундан қутилишга интилишади. Маҳаллий футболчилар ўсишига ҳаракат қилиш лозим. Агар чет эллик яхшироқ бўлмаса, италияликка ишонч билдириш керак.

Бизда Бажо ёки Паоло Малдини каби кўплаб собиқ футболчилар мавжуд, аммо уларни яширамиз. Келинг Буффонни Италия футбол федерацияси президентлигига илгари сурамиз. Уни ва Пирлонинг келажагини бошқарув жойларида кўряпман" - дейди Каннаваро.