Канада бош мураббийи хорватиялик журналистларнинг ғазабига дучор бўлди

"Мен йигитларга бу уларнинг турнири эканлигини айтдим. Келинглар, Хорватияни янчиб ташлаймиз (бундан ҳам қўпол сўз ишлатилган – таҳр.). Ҳаммаси оддий. Биз Жаҳон чемпионатига бир нечта ишланмалар билан келдик: аввало, қўрқмаслик керак. Қўрқмасдан ўйнанг. Шунингдек, биз баъзи рекордларни янгилаб, Жаҳон чемпионатида биринчи голни уришимиз лозим".

Эртаси куни Хорватиянинг асосий таблоидларидан бири Sata24 Ҳердманнинг устидан кулган ҳолда коллаж қилиб, "Тилинг бор, лекин жинсий аъзонг борми?" сарлавҳаси билан материал чоп этди.

Умуман олганда, канадалик мураббийнинг беихтиёр ишлатган ибораси хорватияликларни қаттиқ ранжитди. Шубҳасиз, бу ҳолат Модрич ва ҳамкасбларига мотивация беради. Улар Ҳердман шогирдларини таслим қилиш учун бор кучларини сарфлашади.

Хорватия – Канада ўйини эртага Тошкент вақти билан 21:00 да бошланади.