Жозе Моуринью: “Манчестер Юнайтед” Мхитарянни унутмайди”
23 янв 2018 02:41
Новости

Жозе Моуринью: “Манчестер Юнайтед” Мхитарянни унутмайди”

“Манчестер Юнайтед” бош мураббийи Жозе Моуриньо “Арсенал” ҳужумчиси Алексис Санчеснинг жамоаси сафига келиб қўшилганига ўз муносабатини билдирди.

Хабар берганимиздек, “Арсенал” ва “МЮ” клублари ўз футболчилари Алексис Санчес ҳамда Генрих Мхитарянни ўзаро алмашишди. Иккала ўтиш ҳам бундан бир неча соат аввал расман амалга ошди.

“Алексис дунёдаги энг яхши ҳужумкор футболчилардан бири. У ёш футболчилардан иборат ҳужум чизиғимизни сезиларли даражада кучайтира олади. Санчес “МЮ”нинг яна ҳам кучли бўлишига хиссасини қўшади.

Фурсатдан фойдаланиб, Генрихга янги жамоасида омад тилайман. Ишончим комил, у ҳам “Арсенал”да яна ҳам ўсишга эришади. Биз уни ҳеч қачон эсдан чиқармаймиз. Айниқса, унинг Европа Лигасидаги ғалабамизга қўшган хиссасини унутиб бўлмайди”, — деди Моуриньо.