Жованни Де Бьязи: "Гуруҳдан чиқсак - турнир "сюрприз"ини тақдим этган бўламиз"

- Швейцарияга қарши баҳс жуда қийин бўлади. Турнирдаги илк ўйин, юқори босим учрашув қийматини янада оширади. Қизиқ ҳолатга дуч келамиз, келиб чиқиши албаниялик бир қатор футболчилар бир-бирларига қарши тўп тепишади. Шунингдек, майдонда иккита туғишган ака-ука қарама-қаршилигига гувоҳи бўламиз. Бу биз учун жуда муҳим ўйин. Агарда Европа чемпионатида гуруҳдан чиқа олсак, унда турнир "сюрприз"ини тақдим этган бўламиз. Агарда мусобақа якунида мухлисларимиз иштирокимиздан қониқиш хосил қилишса, биз билан фахрланишса, унда Европа чемпионатидаги иштирокимиз муваффақиятли ўтди, деб ҳисоблайман. Шуни алоҳида таъкидлашни истардимки, терма жамоамиздаги барча футболчилар Албания либосини катта фахр билан кийиб юришади. Майдонда эса бор кучларини аяшмайди. Футболчиларим ҳаммаси бир-бири учун туриб бера олишади. Шу боисдан ҳам саралаш босқичини муваффақиятли ўтказдик.