"Жиззах" бош мураббийи: "Таркибимиз фақат маҳаллий футболчилардан иборат экани мени хурсанд қилади"
20 апр 2024 00:10
Новости

"Жиззах" бош мураббийи: "Таркибимиз фақат маҳаллий футболчилардан иборат экани мени хурсанд қилади"

Ўзбекистон кубогининг 2-туридан ўрин олган "Сўғдиёна" - "Жиззах" (2:0) учрашувидан сўнг меҳмонлар бош мураббийи Суннатилла Ёқубов ўз фикрларини билдириб ўтди.

" - Биринчи навбатда "Сўғдиёна" жамоасини ғалаба билан табриклайман. Уларга навбатдаги босқичларда ҳам омад ёр бўлсин. Ўйинга келадиган бўлсак, учрашувнинг 80-дақиқасига қадар битта тўп фарқи билан мағлубиятга учраб тургандик. Шунга қарамай рақибга жиддий қаршилик кўрсатдик, гол уришга ҳаракат қилдик. Қаердадир омад етишмади, балки йигитларнинг кучи етмади. Лекин кучли рақибга қарши муносиб ўйнай олдик деб ўйлайман.

Мени хурсанд қиладиган жиҳати, таркибимизда фақат маҳаллий футболчилардан иборат. Мақсадимиз вилоятмизнинг бош жамоасига муносиб футболчиларни етказиб бериш. Олдимизда бутун бошли мавсум турибди. Наабатда "Қўқон-1912" билан ўйинимиз бор, ҳар бир учрашувни ижобий натижа билан якунлашга ҳаракат қиламиз" - дейди жиззахликлар устози.