RU

Последние новости

20:00Аморим: "Моуринью – португалиялик энг яхши мураббий"  0 19:38"Насаф" – "Ал Ҳилол" учрашуви чипталари қачон сотувга чиқади?  1 19:13"France Football" бош муҳаррири: "Дембеле "Олтин тўп" учун сўровномада катта устунлик билан ғалабага эришди"  4 18:45Артём Петросян: "Оддий вазиятларда тўпни йўқотяпмиз. Ҳамма ишлаган режаларимизни эсдан чиқариб юбордик"  3 18:32Шавкат Юсупов: "Олимпик" етарлича муаммолар туғдирди"  1 18:20"Барселона" Рэшфорднинг ҳуқуқларини сотиб олишга тайёр  3 17:57Про лига. "ФарДУ" сафарда "Олимпик"ни ишончли ҳисобда мағлубиятга учратди  1 17:47Сергей Лушчан "Навбаҳор"ни тарк этдими?  11 17:40Экитике: "Ливерпуль" мен учун қанча тўлагани қизиқ эмас"  2 17:18Пеп Гвардиола: "Абдуқодир Ҳусанов жисмоний жиҳатдан айни кучга тўлган Кайл Уокерга ўхшайди"  7 16:52"Реал" Салибага қизиқишини сақлаб қолган  0 16:24Аморим "Интер" футболчисини "Манчестер Юнайтед"га олиб келмоқчи  2 15:55Франция Дембеленинг ғалабасидан сўнг "Олтин тўп" соҳиблари сони бўйича биринчи ўринга чиқиб олди  5 15:32"Футбол олами". "Навбаҳор"да 0:5, "Пахтакор" аутсайдерни юта олмади, ОКМКдан 5:1  0 15:06Антонио Конте: "Скудеттодан кейин биздан умидлари катта"  1

⚡️ "ЖЧда ўйнашни орзу ҳам қилмагандим. Фақат Ван Гал бундай ишга қўл ура олади" – Рабинер сайтимиз учун махсус Нидерландия ТЖ аъзоси билан суҳбат ўтказди Новости

⚡️ "ЖЧда ўйнашни орзу ҳам қилмагандим. Фақат Ван Гал бундай ишга қўл ура олади" – Рабинер сайтимиз учун махсус Нидерландия ТЖ аъзоси билан суҳбат ўтказди

Нидерландия - АҚШ (3:1) ўйинидан сўнг микст-зонада бир неча нидерландияликлар билан суҳбат қилишга муваффақ бўлдим.

Масалан, Дэви Классендан 19та пасдан сўнг урган голи ҳақида сўрадим.

- Ҳа, бу идеал гол! - дея хурсанд бўлди Классен.

- Машғулотда шунга ўхшаш нарса устида ишлаганмидингиз?

- Ҳа, шунақаси бўлган, фақат рақиб йўқ эди. Бугун ўша рақибга қарши услубимизни синадик ва улар охиргиси эмас. Бундай голдан роҳатланасан.

- Голларингиз чиройли чиқди, аммо ўйиннинг катта қисмида эски голландча услубда ўйнамадингиз. Шундай ният борми? Сизга гўзаллик керакми?

- Керак. Аммо натижа муҳимроқ. Иккисини бирлаштира оламиз деб умид қиламан.

Дейли Блин эса Луи ван Гал ҳақида, унинг бетоблиг, жамоанинг мураббий учун ўйнаши борасида гапириб берди:

- Луи бизни ҳавотир олишимизни, касал эканлигини билишимизни истамай тунда касалхонага бориб келарди. Ҳамма ван Гални ҳурмат қилади. У ҳеч қачон ўзгармайди. Юзингизга гапиради, алдамайди. У биз билан эканлигидан хурсандмиз. Ван Гал ажойиб шахс. Биз мураббийимиз учун ўйнамоқчимиз.

Суҳбатимиз 203 сантиметрлик гигант, мундиалнинг энг новча футболчиси, кутилмаганда Нидерландиянинг асосий таркиб дарвозабони Андрис Нопперт билан чўзилди.

Ҳозир учун 28 ёшда, 2021 йилнинг бошида у "Гоу Эхед Иглз" билан шартнома имзолаган, унинг ҳисобида бор-йўғи 16та расмий ўйин бор эди.

Жорий мавсум у "Херенвен" сафида барқарор ўйин кўрсатяпти, аммо ҳеч ким уни терма жамоа асосий посбони бўлишини кутмаганди. Чунки мундиал стартигача у Нидерландия терма жамоаси сафида биттаям ўйин ўтказмаганди.

- Болалигингда жаҳон чемпионатида ўйнашни орзу қиласан. Аммо мен билан боғлиқ вазиятда орзу ҳам қилиб бўлмасди. Энди эса у рўёбга чиқди. Бироз омадим келди. Ҳар бир баҳсда ишлашда ва ғалаба қозонишда давом этишимиз керак. Бу менинг ўзига хос ҳикоям - дейди Нопперт.

- Нима деб ўйлайсиз, ван Галдан бошқаси бу ишга қўл урган бўлармиди?

- Йўқ. Ҳеч ким. Аниқ.

- Бу шунчаки туш бўлиши мумкин деб ўйлаб қоласизми?

- Йўқ. Ота-онам ҳаётнинг ҳар сониясидан роҳатланиш кераклигини айтишган. Голландияга қайтганимдан сўнг, ўрнимга ётиб, ширин дамларни эслайман. Аммо ҳозир бор эътиборим ЖЧ ўйинларида. Мен учун ҳар бир ўйин финал.

- Ўз ҳикоянгиз билан бошқа юлдуз бўла олмаган футболчиларни илҳомлантириб, юқори савияда ўйнашга ёрдам бера оламан деб ўйлайсизми?

- Менинг ҳикоям нафақат футболчилар, балки бошқа соҳа вакилларига ҳам илҳом беради деб умид қиламан. Агар ўзингга ишониб, меҳнат қилишда давом этсанг, ўз мақсадингга эришасан.


Игорь Рабинер “Championat.asia” учун Қатардан махсус

Рейтинг: +3   

Комментарии

championat.asia
< посмотреть последние новости
Яндекс.Метрика