ЖЧ саралаш баҳсларига бир ой қолди
05 авг 2019 13:59
Новости

ЖЧ саралаш баҳсларига бир ой қолди

Теги : Ўзбекистон МТЖ ЖЧ саралаш Фаластин

Яна бир ойдан кейин Осиё минтақасида ЖЧ-2022 саралаш босқичининг иккинчи раунд беллашувлари старт олади.

Ўзбекистон терма жамоаси ўз иштирокини 5 сентябрь куни сафарда Фаластинга қарши баҳс билан бошлайди. Ҳозирча бу ўйиннинг қаерда бўлиб ўтиши расман эълон қилинмаган.

Маълумки, қуръа жараёнида 40та жамоа бештадан 8 гуруҳга бўлиб чиқилганди. Мусобақа регламентига кўра, ҳар бир гуруҳ ғолиби ҳамда энг яхши кўрсаткич қайд этган тўртта иккинчи ўрин эгаси - жами 12та жамоа кейинги босқичга йўл олади.

"A" гуруҳи: Хитой, Сурия, Филиппин, Мальдив, Гуам.

"B" гуруҳи: Австралия, Иордания, Хитой Тайпейи, Қувайт, Непал

"C" гуруҳи: Эрон, Ироқ, Баҳрайн, Гонконг, Камбоджа.

"D" гуруҳи: Саудия Арабистони, Ўзбекистон, Фаластин, Яман, Сингапур.

"E" гуруҳи: Бангладеш, Уммон, Ҳиндистон, Афғонистон, Қатар.

"F" гуруҳи: Япония, Қирғизистон, Тожикистон, Мьянма, Мўғулистон.

"G" гуруҳи: БАА, Вьетнам, Таиланд, Малайзия, Индонезия.

"H" гуруҳи: Жанубий Корея, Ливан, КХДР, Туркманистон, Шри Ланка.

Ўзбекистон терма жамоаси катта эҳтимол билан 28 августдан йиғинга киришади. Унгача эса Суперлига, Ўзбекистон Кубоги ва Ўзбекистон Лига Кубогидан ўрин олган беллашувлар ўтказилади.

3-4 август кунлари Ўзбекистон Кубогининг 1/8 финал учрашувлари ўтказилди. Буёғига то сентябрга қадар бизни кутаётган ўйинлар:

10-11 август. Ўзбекистон Суперлигаси (16-тур)

14 август. Ўзбекистон Лига Кубоги (1/4 финал)

17-18 август. Ўзбекистон Суперлигаси. (17-тур)

21-22 август. Ўзбекистон Кубоги (1/4 финал)

26-27-28 август. Ўзбекистон Суперлигаси (18-тур)

Мана шу ўйинлар ўтиб бўлгач, терма жамоа йиғилиб Фаластинга қарши тайёргарликни бошлайди. Буёғига атиги бир ой қолди. Яна бир ойдан сўнг терма жамоамиз иштирокидаги ҳаяжонли онлар бошлангани гувоҳи бўламиз.