ЖЧ-2022 саралаш. Яман билан дурангдан ғазабланган Эрве Ренар таркибда бешта ўзгаришни амалга оширди

Саудияликлар биринчи ўйинда Яман билан 2:2 ўйнашди. Бу эса табиийки янги бош мураббийи Эрве Ренарнинг жаҳлини чиқарди. Чунки кўпчилик Саудия Арабистонидан ғалаба кутганди. 

Натижада франциялик мураббий шу ойда бўлиб ўтадиган иккита ўйинга Яманга қарши баҳсни асосий таркибда бошлаган беш нафар футболчини чақирмади. Булар - Абдуллоҳ Ал Майуф, Ҳамдан Ал Шамрани, Омар Хавсави, Холид Ал Сумайри ва Салим Ал Довсари. 

Терма жамоага чақирилмаслигидан хабар топган Омар Хавсави фаолиятини якунлашга қарор қилди ва буни Твиттер саҳифаси орқали маълум қилди. "Мен терма жамоада ўтказган вақтимни доим ғурур билан ёдга оламан", деб ёзиб қолдирди. Маълумот учун, Омар Хавсави иккита Осиё Кубоги, шунингдек ўтган йил Россияда ўтказилган жаҳон чемпионатида иштирок этган. 

Саудия Арабистони терма жамоаси 10 октябрь куни ўз майдонида Сингапурни қабул қилса, 15 октябрда Фаластин меҳмони бўлади. 

Йиғинга чақирилган футболчилар рўйхати: 

Дарвозабонлар - Муҳаммад Ал Оваис, Фаваз Ал Қарни, Амиин Бохари. 

Ҳимоячилар - Али Ал Булаиҳи, Абдуллоҳ Маду, Зияд Ал Саҳафи, Сауд Абдулҳамид, Ёсир Ал Шаҳрани, Ҳассан Томбакти, Муҳаммад Ал Брейк, Абдуллоҳ Ал Шамех, Али Лажами.

Ярим ҳимоячилар - Салман Ал Фараж, Абдураҳмон Ал Досари, Абдуллоҳ Ал Хайбари, Ҳаттан Баҳебри, Абдулфаттоҳ Асири, Абдулазиз Ал Биши, Абдуллоҳ Отайф, Яҳё Ал Шеҳри, Абдуллоҳ Ал Мелки. 

Ҳужумчилар - Фирас Ал Бурайкан, Абдуллоҳ Ал Ҳамдан, Харун Камара.