ЖЧ-2018 финалида Путин кимга мухлислик қилгани ойдинлашди
29 сен 2018 00:59
Новости

ЖЧ-2018 финалида Путин кимга мухлислик қилгани ойдинлашди

Хорватия президенти Колинда Грабар-Китаровичнинг айтишича, ЖЧ-2018 финалида Россия Федерацияси президенти Владимир Путин хорватияликларни қўллаб қувватлаган.

“ЖЧ финалидан кейин Россия ташқи ишлари вазири Лавровга Путин ҳал қилувчи баҳсда Хорватияга кўпроқ мухлислик қилганини айтгандим.

Умуман финалда унинг кимга мухлислик қилгани аҳамиятсиз. Муҳими у жуда мулойимлик билан ўйинни кузатган ва баҳс якунлангач, ҳар иккала жамоанинг ечиниш хонасига кириб, табриклаганди,” деди Хорватия президенти Брукинг университетида қилган чиқиш чоғида.