Жавоҳир Илёсов - август ойининг энг яхши футболчиси

Энг яхши футболчи бўлиш учун ҳам бир қатор номзодлар бор эди. Жумладан Марат Бикмаев ("Локомотив"), Суҳроб Султонов ("Бунёдкор"), Отабек Шукуров ("Бунёдкор"), Рўзимбой Аҳмедов ("Навбаҳор") каби футболчилар августда яхши ўйин кўрсатишди.

Аммо сайтимиз ходимлари "Машъал" клуби посбони Жавоҳир Илёсовни энг яхши деб топишга қарор қилишди. Ёш посбон бир қатор ўйинларда ўз жамоаси жонига оро кириб келмоқда. Август ойида  "Машъал" 3та ўйин ўтказиб 2та ғалаба ва 1та дурангга эришди. Муборак клуби дастлаб Тошкентда амалдаги чемпион "Локомотив"ни сал қолса мағлуб этиб қўяй деди - 1:1. Ўша учрашувни барча Илёсовнинг маҳоратига яна бир карра гувоҳи бўлди. Кейин Бекободда "Металлург" таслим қилинди (1:0). Ниҳоят ойнинг охирги ўйинида "Шўртан" устидан йирик ғалаба қўлга киритилди - 4:0. Қисқа қилиб айтганда Илёсов ўтган ойда жуда ажойиб ўйинлар кўрсатиб жамоасининг ғалабаларига муносиб хисса қўшди.