Жасур Яхшибоев: "Терма жамоага қайтганимдан хурсандман"

Йиғинга Молдованинг "Шериф" клуби ҳужумчиси Жасур Яхшибоев келиб қўшилди. Бугунги машғулотлар олдидан футболчи фикрлари билан ўртоқлашди

"Грузия билан ўйинга тайёргарлик яхши кетмоқда. ЕЧЛда ҳам иштирок этиш насиб қилди. "Реал Мадрид" билан учрашувда гол урганимдан кейин нималар содир бўлганини сўз билан таърифлаш қийин. Бу жамоа билан ўйнашни ҳамма орзу қилади. Терма жамоага қайтганимдан хурсандман. Берилган ишончни қўлдан келганча оқлашга ҳаракат қиламан. 

Ҳужум мен учун қулай позиция бўлиб қолган. Кўникиб бўлганман. Ўзимни яхши ҳис қиламан",- дейди Жасур Яхшибоев.