Жамолиддин Убайдуллаев: “Мураббий ишончини қозонишим шарт эди”
24 мая 2016 09:42
Новости

Жамолиддин Убайдуллаев: “Мураббий ишончини қозонишим шарт эди”

Ўзбекистон кубоги 1/8 финали доирасидаги “Бухоро” - “Пахтакор” жамоалари ўртасидаги жавоб ўйини (1:0) якунлангач, бухороликлар вакили Жамолиддин Убайдуллаев ўз фикрларини билдирди.

- Ўйин жуда қизиқарли ўтди. Мухлислар умидларини оқлаб, кейинги босқичга чиққанимиздан хурсандман. Насиб қилса, кубок йўлидаги кейинги ўйинларни ҳам муваффақиятли якунлаб, ушбу совринни қўлга киритиш учун имкон қадар узоқроққа бормоқчимиз.

Кубок ўйинларида мураббий менга ишонч билдириб, захирадан бўлсада майдонга туширмоқда. Таркибда жуда тажрибали ва номдор ўйинчилар йиғилган. Шундан келиб чиқиб, таркибдан жой олиш учун кичик имкониятдан ҳам максимал даражада фойдаланишим керак эди. Бугунги ўйинда мураббий ишончини оқладим, деган умиддаман, - дейди Убайдуллаев.

Эслатиб ўтамиз, айнан Жамолиддин Убайдуллаев томонидан ишланган пенальти эвазига “Бухоро” гол уриб ўз уйида ҳам ғалабани тантана қилди.

"Бухоро" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +3