Жалолиддин Машарипов: “Бу футбол, кимдир ғалаба қозонади кимдир мағлуб бўлади”
22 июл 2016 17:28
Новости

Жалолиддин Машарипов: “Бу футбол, кимдир ғалаба қозонади кимдир мағлуб бўлади”

Кеча Равшан Ҳайдаров бошчилигидаги Ўзбекистон U–23 терма жамоаси Ироқ термаси билан ўртоқлик учрашувини ўтказиб 2:1 ҳисобида ғалаба қозонди.

Ушбу учрашувда терма жамоа аъзоси Жалолиддин Машарипов икки бор рақиблар дарвозасини ишғол қилиб терма жамоага ғалабани тақдим этди. Ушбу баҳсдан сўнг Машарипов ўз фикрлари билан ўртоқлашди.

- Жамоадошларим билан бир кунга йиғилдик. Бу биз учун бироз қийинчилик туғдирди. Ироқ терма жамоаси билан бўлган учрашувда ғалаба қозониб мухлисларимизни хурсанд қилишимиз керак эди. Кўриб турганингиздек якунда қийинчилик билан ғалаба қозондик. Ушбу ғалабадан мухлисларимиз хурсанд бўлишди деб ўйлайман. Бу футбол, кимдир ғалаба қозонади кимдир мағлуб бўлади. Бугун биз ғалаба қозондик ва бундан хурсандман. Иккинчи голда 11 метрлик жарима тўпини аниқ амалга ошириб ғалаба қозондик. Ўша вазиятда 100 фоиз пенальти бор эди. Ироқлик футболчи тўпни қўли билан ўйнаган эди. Айрим футболчилар билан олимпия терма жамоасида бирга ўйнаганмиз. Кўпчилик жамоадошларимиз ўз клубларида асосий таркибда ҳаракат қилишади ва катта тажрибага эга. Шунинг учун ҳам бир биримизни тушуниб ҳаракат қилишда унчалик қийинчиликка дуч келмадик”, - дейди терма жамоа аъзоси Жалолиддин Машарипов.