Жаҳон чемпиони бўлган Ўзбекистон терма жамоаси иккита халқаро мусобақада иштирок этади

2019 йилнинг апрель ойида Россиянинг Сочи шаҳрида Россия меҳрибонлик уйлари Тожикистон ва Ўзбекистон терма жамоалари ўртасида халқаро ёпиқ "Будущее зависит от тебя" ("Келажак сенинг қўлингда") шиори остида футбол турнири бўлиб ўтади.

Ўзбекистон терма жамоаси бу мусобақада биринчи маротаба қатнашади. Мусобақада 2004-2005 йилда туғилган футболчилар иштирок этишади. Бу турнирга Ўзбекистон терма жамоаси жаҳон чемпионатидаги иштироки орқали таклиф олди.
 
2019 йил июнь ойида Польша давлати мезбонлик қиладиган меҳрибонлик уйлари ўртасида, "Надежда на мундиаль" ("Мундиал умиди") шиори остида ҳар йили ўтказиб келинадиган жаҳон кубоги мусобақасига Ўзбекистон терма жамоаси ҳам биринчи маротаба иштирок этиши кутилмоқда. Бу мусобақада эса 2002-2003 йилда туғилган футболчилар ўйнашади. Мусобақада дунёнинг 5 қитъасидан 20дан ортиқ давлат иштирок этади.
 
Бу каби турнирлар ҳар йили ўтказилишини ҳисобга олсак, шу мусобақалар орқали 2022 йил Қатарнинг Доха шаҳрида бўладган навбатдаги жаҳон чемпионатига Ўзбекистон терма жамоасини шакллантириб бориш ва жаҳон чемпионатида ўзининг унвонини муносиб ҳимоя қилишига ёрдам беради.