Жаҳон чемпионати саралашидан ўрин олган Бразилия - Аргентина учрашуви бекор қилинди
17 авг 2022 20:45
Новости

Жаҳон чемпионати саралашидан ўрин олган Бразилия - Аргентина учрашуви бекор қилинди

Жанубий Американинг икки мамлакат футбол ассоциацияси сешанба куни Бразилия ва Аргентина ўртасидаги ўтган йили бекор қилинган Жаҳон чемпионати саралаш ўйини қайта ўтказилмаслигини маълум қилди.

Эслатиб ўтамиз, 2021 йилда ўтказилган ЖЧ-2022 саралаши доирасидаги Бразилия — Аргентина ўйини Соқлиқни сақлаш агентлиги (Anvisa) ва полиция вакилларининг стадионда бўлиши туфайли 7-дақиқада тўхтатилганди.

Сабаб шуки, Бразилиядаги карантин талабларига кўра, Буюк Британиядан келганлар 14 кун карантинда бўлиши керак эди. Аммо меҳмонларнинг АПЛда ўйновчи 4 ўйинчиси қайдномага киритилган ва улардан 3 нафари — Эмилиано Мартинес, Кристиан Ромеро ҳамда Жованни Ло Челсо майдонга тушганди, Эмилиано Буэндиа эса захирада қолдирилганди.

Натижада Бразилия полицияси ўйин вақтида стадионга тушиб келиб, 4 нафар аргентиналик футболчини майдондан олиб чиқиб кетишга уринган, оқибатда Аргентина миллий жамоасининг бошқа футболчилари ҳам майдонни тарк этишганди.

Ҳар икки давлат ҳам Жанубий Америка саралаш гуруҳидан жаҳон чемпионатига йўлланмани қўлга киритди.

Агар ўйин қайта ўтказиладиган тақдирда ҳам натижа ҳеч нарсага таъсир қилмайди, яъни Бразилия гуруҳда биринчи, Аргентина эса иккинчи ўринда қолади.

Ссылка :

Источник : NDTV

Получайте новости прямо в Telegram!

Рейтинг: -5