Италия А серияси. Икардининг “дубл”и “Интер”га уч очко келтирди

“Сан Сиро”да кечган баҳсда миланликларнинг аргентиналик ҳужумчиси Мауро Икарди ўйин қаҳрамонига айланди. У иккинчи бўлим бошида икки бор меҳмонлар дарвозасини ишғол этиб, жамоасининг уч очко эгасига айланишини таъминлади. 

Шу тариқа “Интер” А серияда мағлубиятсиз сериясини 13 та учрашувга етказди. Бу ўйинлар давомида улар 10 та ғалабани қўлга киритганликларини алоҳида таъкидлаш жоиз.

Мазкур ғалабадан кейин “Интер” 33 очко тўплаб турнир жадвалида “Ювентус” (31 очко) ни ортда қолдириб, иккинчи поғонага кўтарилди . Пешқадам “Наполи” ҳисобида эса 35 очко бор.

Италия А серияси.

Интер – Аталанта 2:0 (0:0, 2:0)

Голлар: 1:0 – 51 Икарди, 2:0 – 60 Икарди.

Интер – Ханданович, Д`Амброзио, Шкриньяр, Миранда, Сантон, Весино, Гальярдини, Кандрева (Брозович, 73), Валеро (Жоау Мариу, 83), Перишич, Икарди (Эдер, 90).

Аталанта –Бериша, Толои (Хаас, 77), Паломино, Масьелло, Хатебур, Кристанте, де Рон, Кастань, Иличич (Петанья, 55), Куртич, Гомес (Орсолини, 67).

Огоҳлантириш: Паломино (48), Куртич (53).