Испаниянинг 21 асрдаги энг яхши клуби аниқланди

Барча мусобақалардаги кўрсаткичлар бўйича унда пешқадам сифатида “Барселона” (3465 очко) кўрсатилди. Еаталониялиелар "Реал" (3347) ва "Атлетико"ни (2149) ортда қолдирди.

“Барса” – Ла Лига ва Испания Кубогидаги иштироки бўйича энг яхшиси деб топилди, мадридликлар эса Чемпионлар Лигасида.

Кейинги ўринлардан "Валенсия" (2139), "Севилья" (1999), "Вильярреал" (1648), "Атлетик" (1405), "Депортиво" (1395), "Сельта" (1164), "Эспаньол" (1144), "Бетис" (1137), "Реал Сосьедад" (1108), "Малага" (1035), "Хетафе" (1028) ва "Мальорка" (1009) жой олди.

Рўйхатни тузишда жамоаларнинг 2000/01 – 2019/20 йилги мавсумлардаги иштироки ҳисобга олинди ҳамда Халқаро футбол тарихи ва статистикаси федерацияси (IFFHS) мезонлари асосида таҳлил қилинди. Асосий урғу совринларга эмас, балки ғалаба қозонилган ўйинлар сонига қаратилди: турли мусобақалардаги ғалабалар учун 9 очко, дурангга эса 3 очко ёзилди.