Ислом Тошпўлатов: “Кўпроқ ўйин амалиётига эга бўлганимдан хурсандман”

Жамоа сўнгги турларга қадар элитада қолиш учун курашди. Бу мавсумда кўплаб ёш футболчилар тўп тепишди. Жумладан, Ислом Тошпўлатов ҳам асосий таркибда мунтазам равишда ўйнаб келди. Шартномаси якунига етаётган футболчи келгусида фаолиятини қайси жамоада давом эттиради? Буни суҳбат давомида билиб олишингиз мумкин.

- Якунланган мавсумдан олган таассуротларингиз билан ўртоқлашсангиз?

- Бу йилги мавсум жуда қизиқарли кечди. Чунки совринли ўринлар учун ҳам кураш қизғин бўлди. Қолаверса, элитада қолиш учун ҳам бир нечта жамоалар сўнгги турларга қадар кураш олиб борди.  “Сурхон” ҳам ўз олдига Суперлигада қолиш вазифасини қўйганди. Бунга эришиш учун охиригача курашдик ва якунда 10-ўринни эгалладик. Бир сўз билан айтганда, мавсумдан қониқиш ҳосил қилдим. 

- Футболчи сифатида ўзиз учун нимага эришдингиз?

- Биринчи навбатда ўйин амалиётига эга бўлдим. Бу эса янада ўсишимга сабаб бўлади. Суперлигада қанча кўп ўйнасак, тажриба оламиз ва бу келгуси мавсумларда осон кечади. 

- “Сурхон” билан шартномангиз қачон якунланади?

- Шартномам муддати шу ойнинг 31 декабрга қадар тузилган

- Дейлик, “Сурхон” шартнома муддатини узайтиришни таклиф қилса, буни қабул қиласизми?

- Биласизми, “Сурхон”дан таклиф бор. Шартнома тугаганидан сўнг бир қарорга келамиз.