Иско маош талаби сабаб янги клуб топа олмаяпти
04 июн 2022 12:58
Новости

Иско маош талаби сабаб янги клуб топа олмаяпти

"Реал"ни эркин агент мақомида тарк этадиган ярим ҳимоячи Иско юқори маош талаби сабаб янги клуб топа олмаяпти.

"Реал" аллақачон 30 ёшли ҳужумкор хавбек билан шартномани узайтирмаслик қарори сабаб унинг кетиши эълон қилди.

Искога "Севилья", "Валенсия" ва "Бетис", шунингдек Италиянинг "Рома" клуби қизиқиш билдирган эди, аммо ушбу тўрт клуб ўйинчининг маош борасидаги талабини қондиришга тайёр эмас. Иско ҳозирда "Реал"да олаётган 7 млн евро атрофидаги маошини сақлаб қолишни хоҳлайди.

Иско "Реал"га 2013 йилда "Малага"дан ўтган эди. У жамоа таркибида 5 карра Чемпионлар Лигаси, 3 карра Испания чемпиони ва бир бор УЕФА Суперкубоги соҳибига айланди.

Футболчи 2021/22 йилги мавсум жамоа таркибида барча мусобақаларда 17та ўйинда майдонга тушиб, 2та гол уришга эришди.

Ссылка :

Источник : Sport.es

Получайте новости прямо в Telegram!

Рейтинг: -3