Ироқ U-23 бош мураббийи Мирослав Соукуп: "Ушбу мусобақадаги барча жамоалар кучли"

Матбуот анжуманида Ироқ U-23 термаси бош мураббийи Мирослав Соукуп ва сардор ўйинчи Вакаа Рамазон қатнашишди.

- Мусобақа, Ироқ U-23 термасининг тайёргарлиги ҳақида...

- Биринчи навбатда, ушбу мусобақада ўйнаётганимидан бахтлимиз. Ўзбекистон ажойиб мамлакат. Гуруҳимиз жуда кучли. Ироқ, Австралия ва Қувайт каби жуда кучли жамоаларга қарши ўйнаймиз. Умуман олганда ушбу мусобақага йўл олган барча жамоалар жуда кучли. Сабаби, саралаш босқичи ҳам жуда қийин кечганди. Биз мусобақанинг фаворити эмасмиз. Аммо яхши натижа қайд этишга ишонамиз. Бор кучимизни ишга соламиз.

- Жамоа сардорига савол. Ироқ азалдан кучли ўйин кўрсатиб келади. Сиз ушбу мусобақадан нималар кутяпсиз.

- Биз бу мусобақага йўл олишни жуда хоҳлагандик. Энди эса биз яхши натижа кўрсатиш ҳақида ўйламоқдамиз.  
- Жаноб мураббий, футболчилар ва сизга бўлаган босимларга қандай муносабат билдирасиз?

- Биласизми, барчада босим бор. Ўйинчиларим ҳам бунга кўникишган. Фақатгина Ўзбекистон  термасида ўз мухлислари қаршисида ўйнаётгани боис босим кам бўлиши мумкин. Аммо бошқа жамоаларда босим бўлади.  Албатта, мен бу жамоада ишлашни бир йил аввал бошладим. Орада кўп мусобақалар, кўп йиғинлар ўтказдик. Шундай йиғинларнинг сўнггисида Эронга қарши Боғдод шаҳрида ўйинлар ўтказдик. Жамоа билан аста-секинлик билан ишлаб бормоқдамиз. Ироқлик жуда кўп ўйинчилардан энг яхшиларини йиғдик. Ўйлайманки, ҳозирда жамоамизда энг кучли футболчилар жамланган. Бизда Европада ўйнайдиган бир неча ўйинчилар ҳам бор.

- Эртага Иордания терма жамоасидан қандай ўйин кутяпсиз?

- Биз Иордания термаси ҳақида кўп нарсани биламиз. Улар ҳам бизни жуда яхши ўрганишгани аниқ. Улар саралашдан осонлик билан ўтишди. Биз Иордания термасининг жуда кўп ўйинларини кузатдик. Улар жуда сифатли футбол кўрсатишди. Бироқ Осиё кубоги қисқа муддатли мусобақа. Шу сабабли, позитив кайфиятни сақлаб қолиш керак. Биринчи ўйин эса жуда муҳим.

- Вакаа Рамазонга савол. Осиё кубогида энг кучли жамоалар йиғилган. Мусобақадаги мақсадларингиз ҳақида гапирсангиз...

- Биз мусобақанинг охиригича боришни мақсад қилганмиз. Биз курашга тайёрмиз. Акс ҳолда бу босқичга етиб келмаган бўлардик. Биринчи ўйинда уч очко олишни мақсад қилдик.