Иқтидорни пайқай олмаётган мураббий
15 сен 2013 10:03
Новости
Иқтидорни пайқай олмаётган мураббий
Маълумки, Ўзбекистон U-16 ўсмирлар терма жамоаси 25-29 сентябрь кунлари Тошкентда бўлиб ўтадиган Осиё чемпионати саралаш баҳсларида иштирок этади.
Бунда ўсмирларимиз Фаластин ва Яманга қарши майдонга тушишади. Унгача эса 18 сентябрда Қатар билан ўртоқлик учрашуви ўтказилади.
Мана шу ўйинлар учун ҳали ўсмирларимизнинг рўйхати эълон қилингани йўқ. Лекин бизга маълум бўлишича, терма жамоа устози Темур Олимхўжаев “Машъал”дан ёш иқтидор эгаси Адҳам Абдуллаевни чақирмасликни маъқул кўрган. Мураббий “Машъал” футбол мактабидан уч нафар футболчини таклиф этди. Булар – Илҳом Алижонов, Раҳим Шарипов ва Абубакир Муртазоев. Лекин улар орасида Адҳам Абдуллаев йўқ.
Аслини олганда, ҳужум чизиғида тўп сурадиган Адҳам иқтидорли футболчилар сирасига киради. Унда голни сезиш қобилияти жуда кучли. Таққослаш учун Жамшид Искандеров ўз ёшида ва тўп сураётган чизиғида қанчалик кучли бўлса, Адҳам Абдуллаев ҳам ўз тенгқурлари орасида шунчалик зўр. Буни мен Адҳамнинг ўйинларини бир неча бор кўрган журналист сифатида айтяпман.
Лекин мана шундай иқтидор эгасини негадир Темур Олимхўжаев терма жамоага чақирмаяпти. Тўғри, унда маълум вақт олдин юраги билан боғлиқ муаммолар бўлди ва шундан сўнг “Машъал” футбол клуби раҳбариятининг кўмаги туфайли футболчи даволаниб чиқди. Ҳозир эса у бемалол тўп тепмоқда.
Шу йилнинг август ойида Тошкентда бўлиб ўтган “Пахтакор-79” анъанавий хотира турнирида “Машъал-98” ҳам қатнашиб, мусобақада иккинчи ўринни эгаллади. Ва ушбу мусобақанинг “Энг яхши ҳужумчиси” деб айнан Абдуллаев Адҳам топилди. “Машъал-98” бош мураббийи Николай Лапанинг айтишича, турнир давомида Адҳамнинг ўйинлари терма жамоа бош мураббийида илиқ таассурот қолдирган ва кейинчалик йиғинга чақиришини маълум қилган.
Аммо Туркиядаги йиғинга Абдуллаев олиб кетилмади, сабаб сифатида эса виза вақтида тайёр бўлмагани айтилди. Туркия-ку майли, лекин Тошкентдаги мана энди бошланадиган йиғинга чақирса бўларди-ку. Бундан келиб чиқиб қандай хулосага бориш мумкин? Виза шунчаки баҳона вазифасини ўтаган бўлишиям мумкин. Йўқса мураббий ҳужумчини албатта терма жамоага таклиф этган бўларди. Хуллас, айни пайтда шундай даражадаги футболчининг ўсмирлар терма жамоасига нима учун чақирилмаётганидан кўпчилик ҳайрон.
Хайрулла ХОЛИҚОВ.
Мана шу ўйинлар учун ҳали ўсмирларимизнинг рўйхати эълон қилингани йўқ. Лекин бизга маълум бўлишича, терма жамоа устози Темур Олимхўжаев “Машъал”дан ёш иқтидор эгаси Адҳам Абдуллаевни чақирмасликни маъқул кўрган. Мураббий “Машъал” футбол мактабидан уч нафар футболчини таклиф этди. Булар – Илҳом Алижонов, Раҳим Шарипов ва Абубакир Муртазоев. Лекин улар орасида Адҳам Абдуллаев йўқ.
Аслини олганда, ҳужум чизиғида тўп сурадиган Адҳам иқтидорли футболчилар сирасига киради. Унда голни сезиш қобилияти жуда кучли. Таққослаш учун Жамшид Искандеров ўз ёшида ва тўп сураётган чизиғида қанчалик кучли бўлса, Адҳам Абдуллаев ҳам ўз тенгқурлари орасида шунчалик зўр. Буни мен Адҳамнинг ўйинларини бир неча бор кўрган журналист сифатида айтяпман.
Лекин мана шундай иқтидор эгасини негадир Темур Олимхўжаев терма жамоага чақирмаяпти. Тўғри, унда маълум вақт олдин юраги билан боғлиқ муаммолар бўлди ва шундан сўнг “Машъал” футбол клуби раҳбариятининг кўмаги туфайли футболчи даволаниб чиқди. Ҳозир эса у бемалол тўп тепмоқда.
Шу йилнинг август ойида Тошкентда бўлиб ўтган “Пахтакор-79” анъанавий хотира турнирида “Машъал-98” ҳам қатнашиб, мусобақада иккинчи ўринни эгаллади. Ва ушбу мусобақанинг “Энг яхши ҳужумчиси” деб айнан Абдуллаев Адҳам топилди. “Машъал-98” бош мураббийи Николай Лапанинг айтишича, турнир давомида Адҳамнинг ўйинлари терма жамоа бош мураббийида илиқ таассурот қолдирган ва кейинчалик йиғинга чақиришини маълум қилган.
Аммо Туркиядаги йиғинга Абдуллаев олиб кетилмади, сабаб сифатида эса виза вақтида тайёр бўлмагани айтилди. Туркия-ку майли, лекин Тошкентдаги мана энди бошланадиган йиғинга чақирса бўларди-ку. Бундан келиб чиқиб қандай хулосага бориш мумкин? Виза шунчаки баҳона вазифасини ўтаган бўлишиям мумкин. Йўқса мураббий ҳужумчини албатта терма жамоага таклиф этган бўларди. Хуллас, айни пайтда шундай даражадаги футболчининг ўсмирлар терма жамоасига нима учун чақирилмаётганидан кўпчилик ҳайрон.
Хайрулла ХОЛИҚОВ.
championat.asia
U-23 Осиё кубоги. ҒАЛАБА! Ўзбекистон қийин кечган ўйинда Саудия Арабистонини мағлуб этиб, ярим финалга чиқди! Олимпиадага бир қадам қолди
Футзал бўйича Осиё Кубоги. Ўзбекистон финал остонасида Эронга пенальтилар сериясида мағлуб бўлди
Футзал. Ўзбекистон Вьетнам устидан камбэк амалга оширди ва ярим финалга йўлланма олди
Ўзбекистон U-23 термасининг Саудия Арабистонига қарши тахминий таркиби билан танишинг
Комментарии