"Интер" устози "Ювентус"дан кимни олиши мумкинлиги ҳақидаги саволга ҳазиломуз жавоб қайтарди
09 дек 2017 13:15
Новости

"Интер" устози "Ювентус"дан кимни олиши мумкинлиги ҳақидаги саволга ҳазиломуз жавоб қайтарди

"Интер" бош мураббийи Лучано Спаллетти А Серия 16-тури доирасида "Ювентус"га қарши сафар ўйини олдидан фикрларини билдириб ўтди.

Гап орасида у "Ювентус"дан қайси ўйинчини олган бўлар эдингиз деган саволга ҳазиломуз жавоб қайтарди.

"Биз энг юқори даражада рақобат қила олишимизни биламиз. Мақсадимизга эришиш учун кўп очко тўплашимиз керак ва ҳар бир ўйин - бу янада кўпроқ очко йиғиш имконияти. Биз Туринга ғалаба қозониш учун борамиз. Биз турнир жадвалида учинчи ўринда бораётган жамоага қарши эмас, охирги йилларда икки бор ЕЧЛ финалида тўп тепган клубга қарши ўйнаймиз.
Агар шундай имкон бўлса, "Ювентус"нинг қайси ўйинчисини олардим? Менга ўзимнинг ўйинчиларим ёқади, лекин танлов қилишга тўғри келса, бош мураббий Массимилиано Аллегрини олган бўлардим", - деди Спаллетти.