“Интер” ўрнига “Реал” ёки “Барселона”ни танламаганимдан афсусланаман”

“Менинг энг катта хатоим – “Интер”га ўтганим. Мен асосий эътиборни ҳимояга қаратадиган жамоага келиб қўшилгандим. Менга у ерда бошқача муносабатда бўлишарди, чунки мен улар учун бегона эдим. Шу ва бошқа жиҳатлар туфайли жамоага мослаша олмагандим.

Аммо бу менинг хатоим эди. Ваҳоланки ўшанда мен “Реал”, “Барселона” ёки “Манчестер Юнайтед”га ҳам ўтишим мумкин эди. Бу жамоалар мени кузатиб туришганди”, дея собиқ футболчининг сўзларидан иқтибос келтирмоқда Goal.

Панчев 1995 йилга қадар “Интер”да тўп тепган. Орадан икки мавсум ўтиб, футболчи фаолиятини якунлаган. Кўк-қоралар сафида у 29 та учрашувда майдонга тушиб, 10 та голга муаллифлик қилган.