RU

Последние новости

12:26Англия терма жамоаси тарихда илк бор Африка жамоасига мағлуб бўлди  0 12:02ЖЧ саралаш учинчи босқич якунлари. Тўртинчи босқич қачон бўлади?  5 11:36Доннарумма ПСЖни тарк этиши мумкин. Клуб янги шартнома бўйича келишувга эриша олмади  4 11:02“Бавария“ Испания МТЖ аъзосини сотиб олмоқчи  0 10:36“Бетис“ Антони бўйича МЮга таклиф билан чиқди  0 10:10“Бавария“ футболчиси фаолиятини “Ал Насср“да давом эттириши мумкин  0 09:45“Интер“нинг клублар ўртасидаги ЖЧга қайдномаси маълум  1 09:17Саудия Арабистонликлар яна бир топ мураббийни лигага олиб келишмоқчи  2 08:49“Ювентус“ мураббий борасида бир қарорга келди  1 08:20ПСЖ 2025/26 йилги мавсум учун уй либосини тақдим этди  0 07:52Трнет Александер-Арнольднинг “Реал“даги рақами маълум  5 07:25АПЛ жамоаси Родриго билан музокараларни бошлади  4 00:30Неъматилло Қуттибоев: "Омад сабабли ғалаба қозондик деб ўйлайман"  0 00:15Гёкереш "Спортинг" учун бошқа ўйнамаслигини маълум қилди. Клуб футболчига берган ваъдасини бажармаган  5 23:57Исломбек Исмоилов: "Куч ва тезлик томонидан рақибга ҳеч қандай имконият қолдирмадик"  4

Илҳом Шарипов: "Мухлисларимиз "Динамо"нинг олий лигага қайтишини интизорлик билан кутишганди" Новости

Илҳом Шарипов: "Мухлисларимиз "Динамо"нинг олий лигага қайтишини интизорлик билан кутишганди"

«Динамо» - «Ёзёвон-Лочинлари» (4:1) учрашувидаги ғалаба эвазига Самарқанд клуби муддатдан олдин Олий Лига йўлланмасига эга чиққач, учрашувдан сўнг жамоа бош мураббийи Илҳом Шариповнинг таассуротлари билан қизиқдик.


- Илҳом ака, аввало Олий Лига йўлланмаси билан табриклаймиз. Ўйинда натижа йирик бўлсада, баҳс осон кечгани йўқ, шундай эмасми?


- Табрик учун раҳмат! Чиндан ҳам Самарқанд аҳли Олий Лигага тезроқ қайтишимизни интизорлик билан кутганди. Мавсум якунланишига уч тур қолганда олдимизга қўйилган энг асосий вазифани бажарганимиздан хурсандмиз. Минглаб мухлисларимиз, футболчиларимиз, бизни қўллаб-қувватлаб турган раҳбариятимиз ва клубнинг ҳар бир ходимини табриклайман.

Ўйин борасида гапирадиган бўлсам, бугун йирик ҳисобда ғалабага эришган бўлсакда бу осон кечгани йўқ. Иккинчи бўлимда вазиятни ўнглаб, ҳақли ғалабага эришдик.

- Мураббийлик фаолиятингизни айнан «Динамо» бош мураббийи сифатида бошладингиз ва дастлабки мавсумдаёқ жамоани Биринчи Лига ғолиби сифатида Олий Лигага олиб чиқдингиз. Таассуротларингиз қандай бўлди?

- Мураббий сифатидаги илк мавсумдан кўнглим тўлди. Ҳар ҳолда Биринчи Лигада бўлсада, бу ўзига хос қизиқарли, машаққатли бўлди ва олдимиздаги вазифани бажардик. Мен учун яна бир муҳим жиҳати «Динамо» сафини 90 фоиз самарқандлик ёш футболчилардан ташкил этганимиздир. Чемпионатда жиддий кураш кечиб, бешта клуб Олий Лига йўлланмаси учун кураш олиб борди ва якунда маррага биринчи бўлиб етиб келганимиз жуда ёқимли.

- Кейинги учта ўйин жамоа учун амалда ҳеч нарсани ҳал этмайди…


- 5 ноябрь кунги «Цементчи»га қарши ўйин Самарқанддаги сўнгги ўйинимиз бўлиб, баҳсдан кейин чемпионатнинг ёпилиши маросими ўтказилади. Шундай экан, мухлисларимиз қаршисида ғалаба қозонишимиз шарт. Қолган икки ўйинимизда ҳам асосан ёш футболчиларга имконият берсакда, ижобий натижа учун курашамиз. Кейинги йил учун ҳам тайёргарликни ҳозирдан бошлаймиз, жамоа сафини кучайтириш, таркибда кимларни олиб қолиш, кимлар билан эса хайрлашиш ҳақида ўйлашимиз керак, футболда бусиз бўлмайди. Сўзим якунида шанба кунги «Цементчи»га қарши ўйинимизга барча ишқибозларимизни таклиф этиб қоламан.

«Динамо» Матбуот хизмати.
Рейтинг: +8   

Комментарии

championat.asia
< посмотреть последние новости
Яндекс.Метрика