RU

Последние новости

23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  957 20:32Шавкат Мирзиёев Жанни Инфантинога “Дўстлик” орденини топширди  15 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  9 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  10 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  20 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10 17:02CAFA Nations Cup финалига мезбонлик қилаётган "Олимпия" стадионидан ГАЛЕРЕЯ  9 16:23"Барселона" Фликнинг асосий футболчиларидан бири билан янги шартнома имзоламоқчи  0 15:55Шомуродов ва Файзуллаев ўйнаётган "Истанбул Башакшеҳир" бош мураббийи истеъфога чиқарилди  6 15:35Жанни Инфантино ўзбек спорти раҳбарияти билан ҳамкорликда Олимпия шаҳарчасида бўлди  4 15:11Али Алиев Қозоғистон терма жамоасидаги шармандаликдан сўнг истеъфога чиқди  11

Идиш ювиб катта бўлган Эктор Купер Новости

Идиш ювиб катта бўлган Эктор Купер

Ўзбекистон терма жамоасига аргентиналик машҳур мураббий Эктор Купер бош мураббий тайинланиши кутилмоқда.

Биз сайтимиз ўқувчиларига ушбу мураббийнинг ҳаёт йўли ҳақида маълумот беришга қарор қилдик.


Миср терма жамоаси бош мураббийи Эктор Купер Жаҳон чемпионатидан олдин диний қийинчиликка дуч келди. Миср терма жамоаси мундиалдаги илк учрашувни 15 июнь куни Уругвайга қарши ўтказди. Бу йил мусулмонлар учун муқаддас саналган Рамазон ойи ушбу ўйин бошланишига 24 соат қолганига якунига етди. «Кун бўйи ҳеч нима емаган ва сув ичмаган футболчиларни қандай қилиб шуғуллантиришим мумкин?» – деганди бош мураббий The Independent нашрига.

Аммо Эктор Купернинг оиласи бундан ҳам оғир қийинчликларга дуч келган. Унинг бувасининг дадаси англиялик эди ва ўз бахтини топиш учун Аргентинага кўчиб кетиб фермерлик қила бошлаганди; Аслида унинг фамилияси "Cooper" бўлган, аргентиналиклар уни "Cuper" деб ўзгартириб юборишган. Экторнинг онаси уни дунёга келтиргач, бир неча ойдан вафот этган. Отаси оилани боқиш учун кун бўйи далада ишларди. Уни бувиси тарбиялаган. «Айнан бувим менга ҳаётда ўқиш, тартиб, режимга амал қилиш ва ваъдаларни бажаришни ўргатган. Бувим хатто камбағал бўлсанг ҳам тартиб биринчи ўринда бўлиши керак деб кўп бор такрорларди. Айниқса, сен камбағал бўлсанг», – дейди Купер «Спорт-экспресс» нашрига.



Уйда иссиқ сув йўқ эди – Купер ҳозиргача совуқ сувда ювинишни маъқул кўради. Ўйинчоқлардан битта машина ва футбол тўпи бўлган. Эктор оиласига ёрдам бериш учун мактабни ташлашга мажбур бўлган, қолган барча бўш вақтини футболга сарфлар эди. Чабас шаҳарчасидаги "Атлетико Уракан Де Чабас" клубида тажриба тўплагач, Буэнос-Айресга кетганди. Бир ой давомида турли клубларда кўрикда бўлган, ниҳоят уни "Феррокариль Оэсте" клуби ўз сафига қўшиб олганди. Фақат футбол ўйнагани учун унга пул тўлашмас эди. Эрталаб Купер ресторанда идиш юварди, кейин машғулотга ошиқар эди. Уни ишдан бўшатишгач, очдан ўлишини тушуниб етиб яна Чабасга қайтишга тараддуд кўра бошлайди. Унинг футболчилик фаолияти мана шу тариқа бошланган: клуб директори келажаги порлоқ бўлган ҳимоячидан айрилишни истамай, Экторга стипендия тайинлаган, уч маҳал овқат ва умумий яшаш жойидан бир хона берганди.

Купернинг бутун футболчилик фаолияти Аргентинада ўтган – у "Индепендьенте Ривадавия", "Атлетико Уракан" ва "Феррокариль Оэсте" клубларида ўйнаган. "Феррокариль Оэсте" сафида икки бор Аргентина чемпионлигига эришган. Беш бор мамлакат терма жамоасида майдонга тушган.

1993 йил. Купер мураббийлик фаолиятини бошлади ва у футболчиликдан кўра муваффақиятли чиқди: 1998 йилда Испаниянинг "Мальорка" клуби Испания Суперкубогини қўлга киритди, кейинги йил худди шу совринга Купер "Валенсия" билан бирга эга чиқди. Ўша 1999 йилда Куперни Испанияда "Йил мураббий" деб топишган.


Аммо 62 ёшли мутахассиснинг фаолиятида сўнгги паллада мағлуб бўлиш ҳолати кўп бор учраган. 1998 йил "Мальорка" Испания кубоги финалида "Barcelona"га ютқазган.

1999 йил кубок эгалари кубоги финалида "Мальрока" Италиянинг "Лацио" клубига ютқазиб қўйган. "Валенсия" Купер бошчилигида кетма-кет икки йил Европа чемпионлар лигаси финалига чиққан ва иккала сафар ҳам мағлуб бўлган. 2000 йил "Реал"га, кейинги йил "Бавария"га пенальтилар сериясида.

2002 йил,  5 май. "Лацио" яна бир бор Куперни "оёғидан чалди": Аргентиналик мураббий "Inter"да ишлаётганди, агар "Лацио" мағлуб этилса 1989 йилдан буён илк бор "Интер" Италия чемпиони бўлар эди. Аммо ўша баҳсда "Лацио" 4:2 ҳисобида зафар қучган, "Ювентус" чемпионликни илиб кетганди.

Хатто Миср терма жамоаси билан ҳам мана шундай омадсизлик Куперни тарк этмади: 2017 йилги Африка миллатлар кубоги финалида Миср Камерунга 1:2 ҳисобида ютқазиб қўйган эди.


Хориж сайтларидан Нарзулла таржима қилди

Рейтинг: +100   

Комментарии

championat.asia
< посмотреть последние новости
Яндекс.Метрика