RU

Последние новости

11:27Кечаги учрашувдан сўнг Жоэль Кожо ўз фикрларини билдириб ўтди  3 10:59ПСЖ бош мураббийи жиддий жароҳат олди  1 10:32Бугун U-23 ва U-17 терма жамоаларимиз ўйнайди  5 10:02"Реал"нинг икки нафар футболчисига Туркиядан таклиф бор  0 09:31Европанинг ТОП клублари қизиққан футболчи фаолиятини Саудия жамоасида давом эттиради  1 09:00"Олтин тўп"га асосий даъвогар футболчи жароҳат олди  3 08:32Яна бир терма жамоа ЖЧ йўлланмасини қўлга киритди  4 08:03Валерий Кичин: "Ҳалол ўйин бўлишини истардим"  36 07:36Ўзбекистон Қирғиз Республикасига ҳеч қандай имконият қолдирмаган учрашувдан ФОТОГАЛEРEЯ  4 02:00Месси фаолияти ҳақида: "Бунинг якуни яқинлашиб келмоқда"  3 01:45ЖЧ-2026 саралаши. Гаттузонинг дебютида Италиядан йирик, Франциядан ишончли ғалаба ва бошқа натижалар  3 01:19ОКМК назорат ўйинида Про-лига жамоасини икки марта мағлуб қила олмади  0 00:58Урмат Абдукаимов: "Ҳакамларнинг қарорлари футболчиларнинг фаолиятига катта таъсир ўтказади. Ҳакамлар ҳам шуни билиши ва ҳис қилиши керак"  10 00:47"Навбаҳор" ўртоқлик ўйинида "Нефтчи"ни мағлуб этди  7 00:23Лаутаро ЕЧЛ финалидаги мағлубият ҳақида: "5 кун гапира олмаганман"  2

Ички ҳиссиёт. Бугун Тошкентда "суғур куни" бўладими? Новости

Ички ҳиссиёт. Бугун Тошкентда "суғур куни" бўладими?

Ҳар қандай нарсанинг ибтидоси бўлгани каби интиҳоси яъни якуни ҳам бор.


Бунедкор

Андрия Филипович - 35', Усмонали Исмоналиев - 78'

Суперлига. Тур 26

30/11/2024, 15:00

0
:
2
Завершен

Пахтакор

45'
90'
10'  Бобурбек Юлдашев (Александр Зевадинов)
35'  Андрия Филипович
35'  Асадбек Рахимжонов
78'  Усмонали Исмоналиев


Бугун Суперлиганинг 2024 йилги мавсумига расман якун ясалади. Одатда сўнгги турларга келиб барча нарса кундек равшан бўлиб улгурган, шу боис ўйинлар расмиятчилик мақомини оларди. Лекин бугунги учрашувларнинг барчасида интрига сақланиб қолинган. Бизни 1 та эмас, 2 та дерби кутмоқда. Улардан бири Тошкент дербисидир. "Бунёдкор" ўз майдонида "Пахтакор"ни қабул қилади. Бу ўйин "шерлар" учун ҳеч қандай аҳамиятсиз бўлсада Суперлигада қолиш масаласини тўлиқ ҳал қилмаган "қалдирғочлар" учун муҳимлилик даражаси юқори. 

Кайфиятсиз "Пахтакор"

Сўнгги ўйинларда "Пахтакор"нинг кайфияти чоғ эмас. Совринли ўринлар учун курашни бой берди. Боз устига Шацких ва Черан, Собирхўжаевнинг жамоада йўқ бўлиб қолгани четдан шубҳаларни янада оширди. Жамоа сўнгги 5 та учрашувнинг фақат 2 тасида 3 очкони қўлга кирита олди. 3 та ўйинда мағлуб бўлди. Бу борада жамоа Суперлиганинг 10-жамоаси бўлиб турибди. Улар сўнгги бор 31 октябрь куни "Андижон"ни таслим қилган. 25-турдан сўнг чемпионатни медалларсиз тугатиши аниқ бўлган "Пахтакор" 8 йил олдинги антирекордини такрорлади. 2016 йил клуб мавсумни 5-ўринда якунлаган. Эртага ғалаба қозонилган тақдирда фақат 1 поғона кўтарилиш имкони бор, холос. Бу эса ҳеч нарсани англатмайди. Бугун футболчилар босимсиз ҳаракат қилишади ва мухлислар учун мавсумни тугатиб қўйишади, тамом. Черан учун эса хайрлашув учрашуви бўлмайди. Бу мавзуга нуқта қўйдик. Мотивация эса майдон эгалари томонида. 


Иккинчи даврада иштаҳаси очилган "Бунёдкор"

"Бунёдкор" Илёс Зейтуллаев қўл остида иккинчи даврада биринчисига қараганда мазмунлироқ кўрина бошлади. Ёзги трансферлар вақтида ҳам сифатли селекцияни амалга ошира олди. Сўнгги 10 та ўйинда "қалдирғочлар" 16 очко жамғарди, охирги 5 та баҳсда эса фақат 1 бор мағлуб бўлди. 2 та дуранг, 2 та ғалаба. Айниқса, "Олимпик" устидан қозонилган ютуқ Суперлигада қолиш йўлида асқотиши турган гап. Юқорида сифатли трансферлар ҳақида гап борди. Андрия Филипович деган номга кўп бор тўхталмоқдамиз. Жамоанинг асосий фигурасига айланиб бўлган хорватиялик легионер 12 та ўйинда 4+4=8 кўрсаткичини қайд этди. У гол урган ёки узатма қайд этган баҳсларда жамоаси мағлубиятга учрагани йўқ. Дарвоза чизиғидаги муаммолар Ҳамидулло Абдунабиев орқали барҳам берилди. Гарчи у биринчи даврани "Олимпик"да ўтказган бўлсада, "Бунёдкор"га тезда мослашиб кетди. Дарвозабонлар статистикасида у 60 та сейв билан кучли учликда бормоқда. Бир нечта ўйинларда жамоасини муқаррар голлардан қутқариб қолди. Сифатсиз трансфер дея қаралган Луис Качоррига мослашиш учун вақт талаб этилди. Кейинчалик ўзини кўрсатишни бошлади, мураббийлар унга 11 та баҳсда имконият беришди ва бу ўйинларда Италияда туғилган албаниялик ҳужумчи 3 та гол 1 та ассист муаллифига айланди.



Ўзаро учрашувлар ёхуд "суғур куни" 

Шу кунгача жамоалар Суперлига доирасида 37 маротаба тўқнаш келишган. Бу ўйинларда устунлик "шерлар" томонида 15 ғалаба. "Бунёдкор" 13 та ўйинда зафар қучган. 9 та беллашувда муроса кўчаси танланган. Қизиқ ҳолат, 5 йилдан буён жамоалар ўртасидаги мавсумдаги 1 та ўйин 3:2 ҳисобида "Бунёдкор"нинг ғалабаси билан якунланмоқда. Суғур куни давом этадими?

27.11.2019. "Пахтакор" - "Бунёдкор" 2:3

05.11.2020. "Бунёдкор" - "Пахтакор" 3:2

27.11.2021. "Бунёдкор" - "Пахтакор" 3:2

29.06.2022. "Пахтакор" - "Бунёдкор" 2:3

01.12.2023. "Пахтакор" - "Бунёдкор" 2:3

30.11.2024 ?

Автор : Iskandarov Abdulaziz
Рейтинг: +1   

Комментарии

championat.asia
< посмотреть последние новости
Яндекс.Метрика