Ибрагимович "Милан"га ачинаётгани, "Ювентус" ҳамда "Интер"нинг ҳозирги мавқейи ҳақида гапирди
09 окт 2019 01:20
Новости

Ибрагимович "Милан"га ачинаётгани, "Ювентус" ҳамда "Интер"нинг ҳозирги мавқейи ҳақида гапирди

«Лос-Анжелес Гелакси» ҳужумчиси Златан Ибрагимович ўзи харакат қилган собиқ жамоалари ҳақида фикр билдирди.

38 ёшли ҳужумчи «Ювентус» сафида 2004-06 йиллар, «Интер»да 2006-09 йиллар, «Милан» таркибида эса 2010-2012 йиллар оралиғида ҳаракат қилган.

«Милан»ни бу ахволда кўриш мен учун жуда ҳам оғир. Улар киритилаётган сармоялар ва натижалар бўйича юқорида турадиган клуб бўлиши зарур. У ерда дунёнинг энг яхши футболчилари бўлиши керак, лекин ҳозир ундай эмас. Маблағ киритиш керак, йўқса улар ҳеч нарсага эриша олишмайди. Сифатни текинга олиб бўлмайди.
«Ювентус»? Улар буюк ишларни қилишмоқда, ажойиб таркиби сабаб улар дунёда Италия футболининг тимсоли ҳисобланишади. «Интер»да ҳам барчаси жойида. Бошқа клублар ҳам бунга ҳаракат қилмоқда аммо улар «Ювентус» даражасида эмас. «Интер» ҳам бироз орқароқда”, – дея қайд этган Златан.