Ибрагимович - декабрь ойида "Манчестер Юнайтед"нинг энг яхши футболчиси
06 янв 2017 08:11
Новости

Ибрагимович - декабрь ойида "Манчестер Юнайтед"нинг энг яхши футболчиси

Декабрь ойида «Манчестер Юнайтед» клубининг энг яхши футболчиси номи аниқланди.

Сўровнома натижаларига кўра, швециялик Златан Ибрагимович ўтган ой жамоанинг энг яхши футболчиси деб топилди. 2016 йилнинг сўнгги ойида Златан 7та ўйинда 6та гол урди ва 3та голли пас оширди .

Клубнинг твиттердаги расмий саҳифасида ўтказилган сўровномада Ибрагимович 38% овоз олди ва Генрих Мхитарянни 2% га ортда қолдирди. Арманистонлик футболчи декабрь ойида "Манчестер Юнайтед" сафида 3та гол урди.

Ўтган ойда иккита гол урган Поль Погба 26% овоз билан учинчи ўринни олди. Сўровномада учинчи ўринни 140 мингдан зиёд инсон қатнашди.