Ҳоланд шахматга сармоя киритмоқда
23 мар 11:32
Новости

Ҳоланд шахматга сармоя киритмоқда

"Манчестер Сити" ҳужумчиси Эрлинг Ҳоланд шахматнинг Total Chess World Championship Tour номли янги лойиҳасида инвесторлардан бирига айланди.

Ушбу лойиҳа шахматни кенгроқ аудитория орасида янада оммалаштиришга қаратилган, деб хабар бермоқда "The Sun".

25 ёшли норвегиялик футболчи шахматга қизиқади. У интеллектуал ўйинни кўпроқ кўргазмали ҳамда оммавий тадбирга айлантиришни мақсад қилган лойиҳани қўллаб-қувватлади. Унинг ватандоши, гроссмейстер Магнус Карлсен ҳам мазкур турнирда иштирок этиши кутилмоқда.

Ҳоланд шахмат ва футбол орасида кўп ўхшашликлар борлигини қайд этди. Унинг сўзларига кўра, ҳар икки дисциплина тез фикрлашни, интуицияни ва бир неча қадам олдиндан кўра олиш қобилиятини талаб қилади.

Келишув доирасида ҳужумчи инвестор Мортен Борг билан биргаликда янги Norway Chess турининг асосий ташкилотчиларидан бири бўлган Chess Mates компаниясига асос солган. Лойиҳани амалга ошириш 2026 йилнинг иккинчи ярмига белгиланган.

Ссылка :

Источник : The Guardian

Получайте новости прямо в Telegram!

Рейтинг: +4