RU

Последние новости

19:52"Арсенал" Евро ярим финалчиси трансферини ҳал этди  0 19:23​Рустам Ашурматов Эронга етиб борди  1 18:59Санчо "Ювентус"га молиявий талабларини маълум қилди  0 18:31Футболда ринг нафаси: Майкл Баффер Клублар ўртасидаги ЖЧга таклиф этилди   1 18:03"Футбол олами". Биринчи давра якунланди  1 17:47Сулоланинг янги вакили: Петр Чехнинг ўғли "Фулхэм" билан биринчи шартномасини тузди  6 17:19Гильермо Очоа ўзининг олтинчи мундиалида қатнашмоқчи  1 16:50Ушалмай қолган орзу: "Порту" Жотани қайтармоқчи эди  0 16:22"Тоттенхэм" япониялик ҳимоячи билан шартнома имзолади  1 15:54Афғонистон терма жамоаси Россияга ўртоқлик ўйини ўтказиш таклифини берди  4 15:24Дибала "Ливерпуль" нишонида  6 14:55МЮ Эдерсон бўйича музокаралар олиб бормоқда  5 14:28"Тоттенхэм", "Ньюкасл" ва "Наполи" Грилишга даъвогар  0 14:02U-16 халқаро турнири. Ўзбекистон бу гал Японияга имкониятни бой берди  19 13:33Луис Диас "Бавария"га ўтиш арафасида: клублар музокараларга киришмоқда  7

Ҳикмат Эргашев: “Айтишадику, Наманганда Бразилия ҳам ютолмайди, деб” Новости

Ҳикмат Эргашев: “Айтишадику, Наманганда Бразилия ҳам ютолмайди, деб”

“Навбаҳор” – “Бунёдкор” учрашувидан кейинги матбуот анжуманида “қалдирғочлар” устози Ҳикмат Эргашев ва жамоа ҳимоячиси Акром Комилов иштирок этишди.

Ҳикмат Эргашев (“Бунёдкор” жамоаси мураббийи): -  Ўйин ажойиб тарзда кечди ва барчага манзур бўлди. Боиси, ҳар икки жамоа ушбу баҳсга пухта тайёргарлик кўрганди. “Навбаҳор” мухлисларнинг қўллаб –қувватлашлари остида  яхши ўйин намойиш этди. Ахир, айтишадику, Наманганда Бразилия терма жамоаси ҳам ютолмайди, деб.

Учрашув анча қизиқарли тарзда кечди, лекин жамоамизга бироз омад етишмади.

Бугунги ҳакамликдан қониқмадик. Боиси, қарс икки қўлдан чиқади. Бизнинг дарвозамизга 11 метрли жарима зарбаси белгиланди. Лекин Дилшод ва Жавлоннинг қўлидан тортиб, йиқитилганда, ҳакамлар бунга эътибор қаратишмади. Шунингдек, Жавлоннинг нега майдондан четлатилганини  ҳам тушунмадим. У жамоа сардори ва ҳакамнинг қарорига эътироз билдиришга ҳаққи бор. Ҳакамларни назорат қиладиган қўмита бор ва буни ўзлари кўриб чиқишади. Ҳали ҳеч нарса йўқотилгани йўқ. Биз совриндорлар сафидан жой олиш учун  охиригача кураш олиб борамиз. Ҳали олдинда яна  2та тур бор. У ёғини эса вақт кўрсатади.

Бугунги ўйинда мезбонлар таркибида Азизбек Турғунбоев яхши ўйин намойиш этди.  



Акрамжон Комилов (“Бунёдкор” жамоаси ҳимоячиси): -  Менимча, бугунги ўйин барчага ёқди. Биринчи бўлимда анча яхши ўйин намойиш этдик. Лекин 2-бўлимдаги биргина пенальти бизни руҳан чўктириб қўйди.

Ўша вазиятда 11 метрли жарима зарбаси бормиди, йўқмиди, тўғриси, аниқ билмадим, буни ЎФАдагилар кўриб чиқишади. Тўғри, Наманганда тўп суриш қийин. Шундай бўлса-да, биз мезбонларга муносиб қаршилик кўрсатишга ҳаракат қилдик. Мабодо ғалаба қозонганимизда, 3-ўринга кўтарилиб олган бўлардик.

Бугун биргина 11 метрли жарима зарбаси ўйин тақдирини ҳал қилди. Кейинги ўйинларда ғалаба қозонишга интиламиз. “Навбаҳор” жамоасига ҳам кейинги баҳсларда омад тилаб қоламан.

Рейтинг: +25   

Комментарии

championat.asia
< посмотреть последние новости
Яндекс.Метрика