Ҳамиджон Актамов: "Гол урмасдан ғалаба қозониб бўлмайди"
30 мая 2016 15:55
Новости

Ҳамиджон Актамов: "Гол урмасдан ғалаба қозониб бўлмайди"

Олий лига ўнинчи туридан жой олган "Қизилқум" — "Металлург" учрашувидан (1:1) сўнг, матбуот анжумани иккинчи қисмида мезбонлар бош менежери Ҳамиджон Актамов қатнашди.

— Бугунги ўйинда фақат ғалабани кўзлаб майдонга тушгандик, — дея сўз бошлади Ҳамиджон Ғуломович. — Афсуски, буни уддалай олмадик. Рақиб тезкор гол киритиб, режаларимизни бузиб юборди. Ҳисобдаги мувозанатни тиклагунча катта куч сарфладик. Мухлисларга катта раҳмат айтаман. Уларнинг уюшқоқлиги ва далдаси эвазига ҳисобни тенглаштирдик.

"Металлург" жамоасининг бир неча ўйинлари туширилган видеоёзувларни кўриб, шунга мос тактика асосида майдонга чиққандик. Афсуски, йигитлар бугун кўрсатмаларимизни тўлиқ бажара олишмади. Кейинги ўйинларда ҳужумчиларимиз гол уришда оқсашмоқда. Ахир гол урмасдан ғалаба қозониб бўлмайди.
Кейинги турда янада жиддийроқ рақиб билан ўйнаймиз. Аслида чемпионатда осон ўйиннинг ўзи йўқ. Жамоамизда муҳит аъло даражада, бирорта муаммо кўзга ташланмаяпти. Шунга қарамай, бугун қимматли очколарни қўлдан чиқардик. Хато ва камчиликлар устида ишлашда давом этамиз.

"Қизилқум" ПФК Матбуот хизмати.

Ссылка :

Источник : championat.asia

Получайте новости прямо в Telegram!

Рейтинг: +1