ЎФФ: Ҳакамларни аттестациядан ўтказиш жараёни 6 декабрдан бошланади
28 ноя 2017 11:12
Новости

ЎФФ: Ҳакамларни аттестациядан ўтказиш жараёни 6 декабрдан бошланади

Ўзбекистон Футбол Федерацияси ходимлар малакасини ошириш, ўз касбининг мутахассиси бўлган инсонлар федерация таркибида ишлашини таъминлаш мақсадида, ўзбекистондаги мураббийлар, ҳакамлар ва вилоят футбол федерациялари ходимларини аттестациядан ўтказилиши белгиланганди.

Шунга кўра, шу йилнинг 6-7 декабрь кунлари Тошкент шаҳрида 25 нафар ёш ҳакамларни аттестациядан ўтказиш ишлари олиб борилади. Аттестацияда хакамлар жисмоний тайёргарлик ҳамда футбол ўйини қоидалари бўйича синовдан ўтадилар ва видео материаллардан тайёрланган тестларни топширадилар.

Шунингдек, 15-16 декабрь кунлари Тошкент шаҳрида Олий ва Биринчи лига бош ҳакамлари ҳамда Олий лига лайнсменларини аттестациядан ўтказиш жараёни бўлиб ўтади.

2018 йилнинг 10 январидан 20 февралига қадар бўлган даврда Биринчи Лига ёрдамчи ҳакамлари ва дастлабки синовдан ўтган ёш ҳакамлар ва ҳакамлар инспекторлари аттестациядан ўтишади.

Келаси йилнинг 10-20 феврал кунлари Олий лига хакамлари учун Туркиянинг Анталия шаҳрида ўқув машғулот йиғини ташкиллаштириш ҳам режалаштирилган.

Ссылка :

Источник : the-uff.com

Получайте новости прямо в Telegram!

Рейтинг: +2