Гюндоган: “Левандовски – дунёнинг энг кучли ҳужумчиси”

Илгари ушбу икки футболчи Дортмунднинг “Боруссия” жамоаси сафида бирга тўп тепишган.

“Роберт билан бир жамоада тўп тепиш ёқимли эди. У доим ўз устида ишлашдан тўхтамасди. Техник нуқтаи назардан Левандовски доим ажойиб эди, энди шу хислатларига совуққонлик ҳам қўшилди. У бетакрор голлар урмоқда. Мен учун Роберт дунёнинг энг кучли ҳужумчиси, айни пайтда ер юзида ундан кучлироқ ҳужумчи йўқ”, дея Гюндоганнинг сўзларидан иқтибос келтирмоқда Goal.

Жорий мавсумда Левандовски Бундеслиганинг 23 турида 25 та гол урди ва 3 та голли узатмани амалга оширди. Ҳужумчи шунингдек, ЕЧЛда 11 та, Германия кубоги баҳсларида 3 та гол уришга эришган.