Гвардиола “Ман Сити”да 100 та учрашувдан 71 тасида ғалаба қозонди

Каталониялик мутахассис барча турнирларда 71 та ғалаба қозонган бўлсада, 16 учрашувни дуранг билан якунлади. 13 та баҳсда унинг шогирдлари мағлуб бўлишди. Жамоа ҳозирча Пеп қўл остида Англия лига кубогида ғолиб чиқди.

Гвардиола “Барселона”да ҳам 100 учрашувнинг 71 тасида ғолиб чиққанди. “Бавария”да эса унинг жамоаси 100 та беллашувнинг 77 тасида ғалабага эришганди.

100 та учрашувда “Манчестер Сити” 269 бор рақиблари дарвозасини ишғол этди. Бу вақт ичида “шаҳарликлар” АПЛда барча жамоалардан кўпроқ гол урган ва 92 та гол ўтказган.

Бундан ташқари “Сити” кетма кет 28 учрашувни мағлубиятсиз ўтказиб, бу борада ҳам рекорд ўрнатди.