Гвардиола Клоппга жавоб қайтарди

Германиялик мутахассис "Сити" ҳақида шундай деганди: "Биз фақатгина ўзимиз ишлаб топган пулни ишлатишимиз мумкин. Уларда бунинг чегараси йўқ", деганди.

Каталониялик мураббий бу фикр ҳақида ушбу гапларни айтди:

"Олдинлари фақатгина бир неча клубларгина катта молиявий имкониятлага эга эди. Ҳозирда Роман Абрамовичнинг "Челси"си бор, Шайҳ Мансурнинг "Сити"си бор. Улар футболга пул тикишни исташмоқда. Хўш, нима бўпти? Молиявий фэйр-плей бор ва биз бунга амал қиляпмиз. Агар қонундан ташқарига чиқсак, судга тортиламиз.

Жек Грилишни сотиб олдик. Унинг учун 60 миллион ҳам тўлашимиз мумкин эди. Аммо яна 40 миллион қўшдик. Қонунга риоя қилган ҳолда. Албатта, биз жуда кўп маблағ сарфлаяпмиз. Хўжайинларимиз бизнинг совринларни ютишимизни истамоқда.

Бир неча йиллар олдин "Манчестер Юнайтед" жуда кўплаб совринлар ютарди. Чунки улар трансферлар учун бошқалардан кўра кўпроқ пул ишлатарди. Бизнинг клубда эса бундай қилишнинг имкони бўлмаган ва саҳий ҳомийлар йўқ эди", - деди Гвардиола.