Габи - "Пахтакор", ЕЧЛдаги иккита финал ва Қатардаги фаолият ҳақида

- Испаниядан кейин Қатарда ўйнаш қандай бўлмоқда?
- Барчаси ажойиб. Шароитлар яхши, фақатгина Қатарда об-ҳаво иссиқроқ ва футбол ўйнаш Испаниядагига нисбатан қийинроқ.

- "Пахтакор" билан учрашувдан нима кутаяпсиз?
- "Пахтакор" яхши шаклланган жамоа. Бўлажак баҳс қийин, қизиқарли ва шиддатли ўтади.

- Сиз икки марта Европа чемпионлар лигаси финалида ўйнагансиз. Таассуротларингиз қандай бўлган?
- Ушбу мусобақа финалида ўйнаш ажойиб эди. Ҳиссиётлар юқори даражада. Лиссабондаги финалда тенг ўйин бўлганди, сўнгги бурчак тўпини ўтказиб юборганмиз ва мағлуб бўлгандик. Миландаги финалда ҳам қизиқарли баҳс бўлганди, аммо пенальтилар сериясида бизнинг омадимиз келмаганди холос.

- Бу мавсум собиқ клубингиз "Атлетико" ЕЧЛ нимчорак финалида илк ўйиндаги 2:0 ҳисобидан кейин ҳам "Ювентус" тўсиғидан ўта олмади. Буни қандай изоҳлаш мумкин?
- Ўша ўйинни кўрдим. Биласизми бу саволингизга "Ювентус"га қарши Туринда ўйнаш жуда ҳам оғир деб жавоб берган бўлардим.

- Жамоа ҳужумчиси Боғдод Бунеджа ҳақида фикрингиз қандай?
- Боғдод Бунеджа яхши футболчи ва ажойиб тўпурар. Деярли ҳар бир ўйинда гол уради ва "Ал Садд"га натижа келтиради.

Беҳзод Назаров суҳбатлашди