Футзал: Бугун Осиё чемпионатига қуръа ташланади
02 дек 2015 08:18
Новости

Футзал: Бугун Осиё чемпионатига қуръа ташланади

2016 йилда Тошкентда ўтказиладиган футзал бўйича Осиё чемпионати финал босқичига қуръа ташлаш маросими 2015 йилнинг 2 декабрь куни, Тошкентдаги “Зарафшон” кино-концерт саройида ўтказилади.

Унда финал босқичида қатнашадиган жамоалар ва ОАВ вакиллари иштирок этади. Тадбир 18:00да бошланади. Аввалроқ саралаш ўйинлари натижасига кўра финал босқичига йўл олган 13та терма жамоа номи аниқланган эди. Улар: Ливан, Қатар, Ироқ, Иордания, Саудия Арабистони, Таиланд, Австралия, Малайзия, Вьетнам, Қирғизистон, Тожикистон, Хитой ҳамда Хитой Тайпей футзал терма жамоларидир.

Ушбу 13 жамоадан ташқари Япония ҳамда Эрон терма жамоалари аввалги қитъа чемпионатида юқори ўринларни эгаллагани учун, шунингдек, Ўзбекистон терма жамоаси мусобақа мезбони сифатида Тошкентдаги финал босқичига тўғридан-тўғри йўл олган.

Биринчи саватча: Ўзбекистон, Япония, Эрон, Таиланд.

Иккинчи саватча: Австралия, Ливан, Вьетнам, Ироқ.

Учинчи саватча: Қирғизистон, Хитой Тайпеи, Малайзия, Хитой.

Тўртинчи саватча: Тожикистон, Қатар, Иордания, Саудия Арабистони.

Эслатиб ўтамиз, Тошкент мезбонлик қиладиган Осиё Чемпионати 2016 йилнинг 10 — 21 февраль кунлари бўлиб ўтади.

Ссылка :

Источник : championat.asia

Получайте новости прямо в Telegram!

Рейтинг: +1