Футзал. Бугун 16:30. Ўзбекистон - Ливан

Гуруҳ босқичини муваффақиятли ўтказган футзалчиларимиз ярим финалга чиқиш учун Ливан тўсиғидан ўтишлари лозим.

Ливан терма жамоаси ўз гуруҳида дастлаб Хитой Тайпеини мағлуб этди - 8:5. Иккинчи турда Малайзияга йирик ҳисобда таслим бўлди - 1:5. Сўнгги ҳал қулувчи турда Таиланд билан жанговор дуранг (3:3) ўйнаган ливанликлар чорак финалга чиқишди.

Таъкидлаш лозимки, Ўзбекистон футзал терма жамоаси Осиё чемпионати финал босқичларида Ливанга қарши икки бор тўқнаш келган.

2008 йилги Таиландда қитъа чемпионатида бир гуруҳдан ўрин олган бу жамоалар ўртасидаги баҳсда Ўзбекистон 5:1 ҳисобида ғалабага эришган. 2010 Тошкентда бўлиб ўтган Осиё чемпионати гуруҳ босқичида ҳам бу жамоалар ўзаро кураш олиб боришган. Ўз уйида ўйнаган Ўзбекистон футзалчилари 3:1 ҳисобида зафар қучишган.

13:30
Қувайт - Австралия
Таиланд - Япония

16:30
Эрон - Вьетнам
ЎЗБЕКИСТОН - Ливан


Сайтимизда ўйинлар имкон қадар батафсил ёритиб борилади.