RU

Последние новости

02:00Месси фаолияти ҳақида: "Бунинг якуни яқинлашиб келмоқда"  0 01:45ЖЧ-2026 саралаши. Гаттузонинг дебютида Италиядан йирик, Франциядан ишончли ғалаба ва бошқа натижалар  0 01:19ОКМК назорат ўйинида Про-лига жамоасини икки марта мағлуб қила олмади  0 00:58Урмат Абдукаимов: "Ҳакамларнинг қарорлари футболчиларнинг фаолиятига катта таъсир ўтказади. Ҳакамлар ҳам шуни билиши ва ҳис қилиши керак"  7 00:47"Навбаҳор" ўртоқлик ўйинида "Нефтчи"ни мағлуб этди  4 00:23Лаутаро ЕЧЛ финалидаги мағлубият ҳақида: "5 кун гапира олмаганман"  0 23:45Лотар Маттеус: "Германия жуда ёмон ўйнади. Ҳисоб 5:0 бўлиб кетиши ҳам мумкин эди"  0 23:24Тимур Кападзе: "Жаҳон чемпионати учун аниқ режа? Барчаси ҳал бўлгунча кутиш керак"  22 22:55"Барселона" Ромеу клубдан кетганини маълум қилди  0 22:36"Реал" мухлислари жамоанинг август ойидаги энг яхши футболчисини танлаб олди  0 22:13ЛаЛига "Барселона"га рухсат берди  1 21:45CAFA Nations Cup. Ўзбекистон – Қирғиз Республикаси 4:0  23 21:26CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон  236 21:10Ўмон терма жамоаси мураббийи: "Кўплаб вазиятлар яратдик, аммо бор-йўғи иккита гол урдик"  11 20:54Ровшан Мередов: "Ушбу мусобақа орқали мундиаль иштирокчисига қарши ўйнадик"  5

Футболни зўри бугун бўлади Новости

Футболни зўри бугун бўлади

Лекин бу кўпчилик кутаётган "Барселона" - "Боруссия Дортмунд" ўйини эмас.

Бу Ўзбекистон Кубоги доирасида кечадиган "Пахтакор" - ОКМК ёки ЕЧЛдан ўрин олган ПСЖ "Астон Вилла" учрашуви ҳам эмас.

Ўйин бизнинг вақт билан 22:15да старт олади ва бунда Ўзбекистон U-17 терма жамоаси Саудия Арабистони U-17 терма жамоасига қарши баҳс олиб боради. Ўйин шунчалик муҳимми, ахир биз ҳам, Саудия ҳам гуруҳдан чиқиб бўлди, қолаверса ҳар икки жамоа Жаҳон чемпионати йўлланмасини қўлга киритган дерсиз. Лекин ўзим анчадан бери шу учрашувни кутяпман.

Тўғри, дастлабки икки турда ўсмирларимиз чиройли ғалабага эришиб, Таиланд билан Хитойни ютдик. Гуруҳдан чиқишнинг ўзиёқ бизга ЖЧ йўлланмасини берди. Гуруҳдан чиқадиган 1-2 ўринлар U-17 Жаҳон чемпионати чиптасига эга бўлишини ҳам айтиб ўтдик. Бу ўйиннинг биз учун муҳимлиги шундаки, терма жамоамиз кучини Саудия Арабистони фонида кўриб оламиз.
 
Ҳар қанча ривожланмасин Таиланд ёки Хитой футбол мамлакати эмас. Уларда катта пул бўлмаса футболи ҳақида ҳеч ким гапирмайди. Аммо Саудия бошқа олам. Саудия худди бизга ўхшаб азалдан футболни севади. Уларнинг футболини ушлаб турган катта пуллар ёки Саудияга оқиб келаётган юлдузлар эмас, балки футбол қадриятлари.

Саудия Арабистонига Роналду келмаган пайти ҳам футболи зўр бўлган. Уларда тарих бор, мактаб бор, кучли-кучли клублар бор. Ўзбекистон ОФКга аъзо бўлиб Саудиянинг исталган ёшдаги терма жамоасига қарши баҳс олиб боряптики, доим эътиборли ўйин бўлади.

Биз қанчалик футболни яхши ўйнай оламиз, кучли жамоа фонида нималарга қодирмиз? Бизнинг мактаб Осиёдаги кучли мактаблар билан беллаша оладими? Бугунги ўйин шу каби саволларга қисман жавоб берса ажаб эмас.

U-17 жамоаларининг бирламчи мақсади Жаҳон чемпионатига чиқиш ёки Осиё турнирида чемпион бўлиш бўлиб қолмаслиги керак. Бу ёшдаги жамоалар биринчи навбатда футбол ўйнашни ўрганиши лозим. Бу ёшдаги болалар энди катта йўлнинг бошига чиқяпти. Эртага Жаҳон чемпионатига бориб ўйнаган билан ҳам ҳамма бирданига зўр бўлиб қолмайди. Зўр бўлиш учун янада машаққатли йўлни босиб ўтиш керак бўлади.

Терма жамоамиз устози ўйиндан олдин жуда чиройли гапирди. "Биз ҳар бир ўйинда ғалаба қозонишни хоҳлаймиз. Мен бугунги учрашувда кучни тежаб кейинги баҳс ҳақида ўйламоқчи эмасман. Биз дуранг ҳақида ўйлаётганимиз йўқ, фақат ғалабани кўзлаяпмиз", - дея айтиб ўтди Ислом Исмоилов ОФК сайтига берган интервьюсида.

Худди шу гапни саудияликлар устози Марио Да Сильва ҳам гапирибди. Бу яхши, чунки футболдаги "навбатчи ўйинлар" ҳеч ёқмайди. Агар биз охирги турда Хитой ёки Таиланд билан ўйнаганимизда балки "навбатчи ўйин" деса бўларди. Аммо Саудия Арабистонига қарши ўз кучимизни кўрсатишимиз шарт. Замонавий ўзбек футболи мактаби салоҳиятини қайсидир жиҳатдан бугунги баҳс белгилаб беради.

Вакилларимизга омад ёр бўлсин.

Х.Холиқов

Рейтинг: +11   

Комментарии

championat.asia
< посмотреть последние новости
Яндекс.Метрика