Фурқат Эсонбоев: "Нега "Пахтакор" футболчилари термада кўпайиб кетди?"

- Натижага жавоб берадиган мураббий бор. Нимага бундай бўлганлиги ҳақида энди у жавоб бериши керак. Нега "Пахтакор"нинг футболчилари термадан кўпайиб кетди? Йигитлар эса ўйинга тайёр эмас эди. Масалан, жароҳати туфайли кўп учрашувларда ўйнамаган ўйинчини асосий таркибга туширди. Ўйин амалиётисиз қолган футболчилар майдонга туширганидан кейин натижа ҳам шунга яраша бўлади-да!

Энди нима қилиш керак? Ҳозир бу ҳақда гапирсам униси ёки буниси оёғимга болта уришади. Ўзи шундоқ ҳам тўғрисини гапирганим учун ҳеч қаерда ишлаётганим йўқ. Ҳар қандай мураббий ҳам хато қилади. Мана, Моуриньо ҳам хато қилди. "Челси"дан кетгач унинг ўрнига Хиддинк келди. Натижа аста-секин яхшиланаяпти. Хўш бу ниманинг ҳисобига? Демак, бу вазиятда кўпроқ мураббий айбдор. Хориж клубларнинг ютуқлари ёки камчиликлари ҳақида оғиз кўпиртириб гапирамизу, лекин ўзимизникига келганида оқсаб қолаяпмиз. Биз аввал ўзимизникини эплаб олишимиз даркор, - дейди Фурқат Эсонбоев.