ФИФА Лариннинг "Нефтчи" устидан қилган шикоятини рад этди
29 апр 15:09
Новости

ФИФА Лариннинг "Нефтчи" устидан қилган шикоятини рад этди

Фарғона жамоасида ўтган икки мавсумда ҳаракат қилган украиналик легионер Олексий Ларин 2023 йилги мавсум учун қарздорлик юзасидан "Нефтчи" футбол клуби устидан ФИФАга арз қилди.

Аммо шикоят қаноатлантирилмади. Клубнинг маълум қилишича, футболчи олдидаги қарзлар аллақачон узилган.

"Клуб футболчи олдидаги бир ойлик иш ҳақи ва 3 та учрашув учун мукофот пулидан қолган қарздорликни бартараф қилган. Шунга қарамасдан, футболчи клубдан қўшимча тўлов ундириш юзасидан ФИФАга мурожаат йўллаган.
Ўз навбатида, жорий йилнинг 26 апрель куни ФИФА томонидан ЎФУ ва Клуб ҳуқуқшунослари томонидан билдирилган важлар ўрганиб чиқилиб, ЎФУ ва Олексий Лариннинг важлари асоссиз эканлиги сабабли мурожаатни рад қилиш тўғрисида қарор қабул қилинди.
Шунингдек, "Нефтчи" футбол клуби молиявий қийинчиликлар сабабли айрим футболчилар олдида қарздорликлар мавжудлигини тан олади ва тез орада ушбу қарздорликлар тўлиқ бартараф этилишини таъминлашини маълум қилади", – дейилади клуб хабарида.

Ссылка :

Источник : "Нефтчи" матбуот хизмати

Получайте новости прямо в Telegram!

Рейтинг: +10